Zomi Hkang Ni Min Awng Hlaing Hpe Shagrau

Tedim ( Zomi) Hkang hpung a Catholic Bishop Joseph Htan hte Zomung ni woi awn ai wuhpung gaw,  Naypyidaw hta Min Aung Hlaing hpe Hkang ni kaw nna tsaw htum kum hpa re nga ai, Share Ninghkrin shagrau kum hpa hpe sak jaw ai lam hpe chye lu ai.

Ndai hku nna, Min Aung Laing hpe jaw shagrau ya ai yaw shada lam gaw, 2010 ning na ra lata poi hta, sai pru si hkala ai lam n’byin ai sha atsawm sha woi awn lu ai majaw hte, Myen mung hpe dai ni ten du hkra mayak lam law law kaw nna,  makawp maga ya nga ai majaw, buga  mare masha ni simsa ngwi pyaw ai hku lu nga ai,  dai majaw shi hpe shagrau sak jaw ai ngu, Yangon Tedim ( Zomi) Hkang hpung a amu madu U Kap Khyen Pau hku nna tsun wa sai.

 

Shagrau Kumhpa hkapla ai hta, Min Aung Hlaing hku nna,” shi hpe ningbaw langai hku  masat masa di ya ai majaw kabu ai lam, simsa lam gaw ahkyak nna, simsa lam lu la jang she, mare buga ni galu kaba wa na, Hkang mung daw gaw moi kaw nna, lak nak lang rawt malan hpung n’nga ai hta, san seng ai mungdaw langai re nga ai majaw, matut nna dinggrin tsawm htap shangun mayu ai lam” ni hpe  nhtang tsun ai hpe chye lu ai.

 

Kumhpa gaw, shagrau maisau pa hte Hkang share ninghkrin ni lang ai lau n’htu galu hte bung ai lau n’htu lagnai hpe kum hpa jaw ai.

REF: RFA

Ja Tawng Naw

Leave a Reply

Your email address will not be published. Required fields are marked *