Zingri Zingrat Hkrum Ai Rohingya Ni A Sakse Hpe ICC Mahkawng Na Hkyen

0
118

Mungkan wuhpung Tara Jeyang Rung ( ICC, International Criminal Court ) a dat kasa hpung ni hku nna, March shata praw hta Bangladesh de sa nna, Rahkaing mungdaw hta, Rohingya myu sha ni zingri sat nat hkrum ai lam hte seng ai lawnglam ni hpe, mahkawng hpang na lam hpe Bangladesh sumtsan salang rung hkring mang Shahidul Haque kawn 2019 ning February shata 15 ta shani hta tsun wa sai.

Bangladesh hkringmang daju Sheikh Hasina hte ICC hpung tara kasa Dr Fatou Bensoud yan gaw Germany mungdan hta, lai wa sai bat hpang kru ya shani hkrum shaga ngut ai hpang shiga laika dap ni hpe tsun shapraw wa sai.

Bangladesh Hkringmang daju gaw Munich mungkan shimlam hte seng ai zuphpawng sa lawm ai shaloi ICC tara kasa ni hte hkrum wa sai.

ICC a tara kasa Dr Fatou Bensoud hku nna, Rohingya manghkang ginlam hpe ICC hta tara jeyang hpang na matu hkap la da sai, tawt lai ai ni hpe ahkyak la na hte seng nna, tara jeyang hpang na matu lajang nga sai ngu tsun shaga wa sai.

Myen pyen dap dap-awn daju Min Awng Hlaing Hku nna gaw, mungdan a daru magam ahkang aya hpe hkra machyi wa ai gara matsun hpe rai tim n’hkap la ai sha n’ga Myen mung gaw ICC a malawm hpung shang langai nre ai hpe Asahi Shimbun shiga dap hpe san htai lamang shaloi tsun shaga da ai hpe chye lu ai.


REF: Daily Star, RFA
Ja Tawng Naw

LEAVE A REPLY

Please enter your comment!
Please enter your name here