“ Wa “ Mungdaw Hpyi Ai Ntsa Hta NCA Ta Masat Htu Da Sai Ni A Ningmu

0
34

2019 ning April shata 18 ya shani hta UWSA a 30 ning ladu hkrum masat n’htoi hta Wa ningbaw hku nna Wa mungdaw ningnan hpe hpyi wa sai, Dai hte seng nna Asuya hte Myen hpyen dap hku nna mung dinglun ai lam ni grai galaw wa sai. Wa mungdaw ningnan hte seng nna NCA ta masat htu da sai ningbaw ni hpe media langai san da ai hpe bai tang madun dat ai.

PNLO Ningtau Nigbaw U Khun Myit Tun


Anhte a mungdan gaw galoi mung mungdaw ningnan ni pru wa ai Mungdan langai re, Anhte PNLO, Pa-oh amyu sha rawt malan hpung a rudi hkrang tara gaw, mungdaw ningnan ni mai pru wa ai Federal Democracy a masa re, dai majaw shawng na lang Pang-sang zuphpawng hta Wa amyu shani mungdaw hpyi ai lam pru wa ai hta, anhte ni madi shadaw wa sai. Ya kalang bai madi shadaw ai gaw, Pa-Oh ni a Amyu sha madang mung masa bawng ban bawng ngut ai hpang, npawt gawda ai hkrang hta, mungdaw ningnan ni pru wa mai ai Federal Democracy hpe hkap la da ai majaw, Anhte Pa-Oh amyu sha ni hku nna Wa mung daw hpyi shawn ai hpe madi shdaw ai.

U Khun Myint Tun

RCSS Du Jum up Sai Ngin
Dai hku hpyi ai gaw, shanhte a ahkaw ahkang re, anhte ni hku nna lak lai na tsun na lam n nga ai, raitimung ndai lam gaw yawng hte seng ai ngu mu mada ai, 1) 2008 gawda ai tara hte seng ai, 2) Mung hpawm Asuya hte seng ai, 3) Mung dan masha yawng hte mung seng ai ngu mu mada ai, grau nna gaw, Sam mung hta nga ai mungdaw masha ni hte grau seng ai.

RCSS Sai Ngin

KNU Amu madu Padoh Saw Tar Do Moo
Federal langai gawgap na nga jang uphkang tsang 5 daram nga ai. Anhte mungdan gaw Federal hpe shayawng na nga jang gara baw federal lai hpe la na hta ra ai. Wa amyu sha ni hku nna mungdaw hpyi ai ngu ai gaw, amyu bawsang langai hku, anhte hta Mungdaw ngu ai mying sha n’ga, madu uphkang lam ai lam ni mung lawm nga ai, dai lam ni hpe gaw galoi mung dip da hkrum ai majaw, tinang a ahkaw ahkang hpe hpyi wa ai lam langai re wa sai. Dai hpe gaw, anhte yawng lu ging ai ahkaw ahkang ni hpe lu la mai ai hpe, lajang mai ai Federal Democracy langai mi pru wa jang, mai mat wa na re, ngu nna tsun shaga wa sai.

Saw Tar Do Moo

NCA ta masat htu da sai wuhpung ni a ningmu nkau mi hpe maram yu jang, Myen ni n kam jaw ai Federal Democracy hta tsun shaga na lam hte, Sam hpung RCSS gaw Sam mung na garan pru mat na masa nga ai majaw, n ra sharawng ai lam hpe mu lu nga ai,

REF: Network Media Group
Ja Tawng Naw

LEAVE A REPLY

Please enter your comment!
Please enter your name here