UWSA Wa Rawt Malan Hpung Hpe Hkam Sharang Nga ai Lam Myen Hpyen Dap Tsun

0
33

Myen hpyen dap a teng man ai shiga sanglang hpawng hpe 2019 ning June shata praw 2 ya shani hta Naypyidaw hta galaw ai shaloi, UWSA “ Wa “ hpung ni a, hpyen n’gun madun ai lam hpe, Shingjawng manang Asuya, hpyen dap hku galaw nga ai hpe, Myen hpyen dap hku n’na grai hkam sharang nga ai hpe, shiga laika sara langai san wa ai shaloi, htai ai hpe chye lu ai.

Du daju Soe Naing Oo gaw, “ anthe hpyen dap hku n’na simsa lam lu mayu ai majaw, n’kau lam ni hpe atsam htum hkra hkam sharang nga ai,” ngu tsun wa sai.

Wa hpyen dap gaw, laknak ni lang n’na hpyen n’gun madun ai lam galaw ai, dai hpe yu jang Wa hpung gaw, shingjawng manang Asuya hte hpyen dap masa hku galaw nga ai, dai majaw, dai lamang hpe anhte hpyen dap hku n’na n sa ai. Dai lam pyi ahte hpyen dap hku n’na atsam htum hkra hkam sharang ai lam galaw da sai, “ ngu matut tsun sang lang wa sai.

Raitimung, shiga shana shabra dap a ningtau lithkam Du daju Tun Tun Nyi gaw, “ Myen ga malai nga ai, hkam sharang ai raitim, masat da ai shadawn shadang nga ai,” ngu bai tsun jahpra wa sai.

Ndai masa ni hpe maram yu jang, mung masa hparan ai lam hta Myen ni woi awn ai hku n hkan ai nga jang, lani mi hta gaw UWSA ni hte mung majan baw wa na masa nga ai hpe yu maram lu nga ai.

REF: Shawng lam shi sawk, BBC
Ja Tawng Naw

LEAVE A REPLY

Please enter your comment!
Please enter your name here