UWSA 30 Ning Hpring Ladu Hkrum Nhtoi Hta Ningbaw Ni A Matsun Ga Ni

0
37

2019 ning April shata 17 ya shani hta Wa mungdaw Pang Sang Muklum hta, UWSA Wa rawt malan hpyen dap a 30 ning ladu hkrum nhtoi hpe wu wu di di galaw ai hpe chye lu ai, dai poi hta ningbaw kaba ni a tsun shaga ai ga nkau mi hpe matsing hpa hku nna bai tang madun dat ai.

UWSA Ningbaw Pauk Yu Chan a Matsun ga
Wa ningbaw Pauk Yu Chan hku nna, Wa ginra gaw shaning 30 ning daram simsa lam hpe ngang grin ai hte tinang a lamu ga ginra hpe uphkang lu wa sai. Munghpawm Myen mung Asuya hku nna Wa madu uphkang ginra hpe Wa mungdaw hku masat ya na matu hpyi lajin dat ai, ndai masing awng dang na matu anhte ni hku nna prat tup shakut shaja mat na lam hpe tsun shaga wa sai.

UWSA Ningtau ningbaw Pauk Yu Yi ai tsun shaga ai ga
Shaning 30 ning daram simsa ai lam lu da ti mung, myit mada ai pandung de grai n du shi ai. Wa amyu shani marai sen 6 jan nga ai, raitim Wa amyu sha ni gaw hpyen majan gasat na hpe n myit ai, simsa ai lam hpe sha myit mada ra sharawng ai ngu tsun shaga wa sai.

Myen mung hpaji jaw Salang Kaba Awng San Suu a matsun ga
Awng San Suu Kyi hku nna, Wa rawt malan hpung hpe Mungdan ting gaphkat jahkring ai ga sadi laika ( NCA ) hta ta masat htu na matu shadut wa sai.

Lai wa sai shaning 30 ning kawn hpang ai simsa lam gaw, lahkawng maga shada manu shadan, kam ai myit nga ai majaw, simsa lam hpe dai ni du hkra ngang grin ai hku mu mada lu nga ai, dai hta grau nna ngang grin na matu hte amyu bawsang ni a rap ra ai ahkaw ahkang lu na matu NCA hta ta masat htu ngut jang matut galaw ra ai lam hpe shi a shagun laika hta tsun shaga da ai.

U Kyin Nyunt a matsun ga
Nawata Asuya a Amu madu kaba (1) tai lai wa sai U Kyin Nyunt hku nna, UWSA Wa ningbaw ni hpe, mungdaw a simsa lam tut grin nga lu na matu Myen Asuya, Myen hpyen dap ni hte atsawm sha jawm galaw sa wa matu shi a shagun laika hta tsun shadut da nga ai chye lu ai.

REF: Irrawaddy, 7 Days, BBC
Ja Tawng Naw

LEAVE A REPLY

Please enter your comment!
Please enter your name here