G-20 Bawngring kalu gaba ai mungdan ni a chyawm tari zuhpawng hpe 2018 Nov 30 kaw nna Dec 1 ya shani du hkra, Argentina mungdan Buenos Aires mare hta galaw ngut sai. Lak Lai ai lam gaw, mungkan hta sut hpaga n’gun kaba dik htum ai Miwa mungdan gumsan magam Xi Jingping hte America Gumsan magam Donald Trump yen a lapran hta, hpaga yumga hte seng nna myit hkurm lam langai lu ai hpe chye lu ai.
Dai lam gaw, USA mungdan hku nna jashawn gunrai kang hta ai gumhrpaw hpe dawm kau ya na rai nna, Miwa mungdan mung, dai hte maren sha, jashawn gunrai kang hpe jahkring kau na lam rai nga ai.
Dai hta sha n’ga Miwa mung hku nna, USA mungdan a gunrai law law hpe mari na lamang mung lawm nga ai. USA Asuya hku nna gaw, 2018 ning laman, Miwa gunrai ni a n’tsa, Mungdan jashawn gun rai kang hpe $200 billion hta la ngut ai hpang, 2019 ning January praw 1 ya hta kalang bai, Miwa jashawn gunrai kang hpe 25% jat hta na lam hpe, mungdan 2 myit hkrum ai hte maren, jahkirng ganhkring da na lam hpe USA Asuya hku nna tsun ndau da ai.
Ndai zawn myit hkrum jahkring da ai lam gaw, Mungkan hta Miwa hte USA lapran hta lani hte lani tsaw jat wa ai, Sut hpaga majan lam hpe, shayawm na matu mai kaja ai lam, langai re ai majaw, mungkan mungdan ni hku nna kabu ra sharawng nga ma ai.
REF: VOA
Ja Tawng Naw
