UPDJC Zuphpawng Hpe KNU N’Lung

0
29

2019 ning June shata 13 – 14 ya lapran, Yangon NRPC ginra hta galaw ai Munghpawm Simsa lam ginrun bawngban komiti ( UPDJC ) a lit nga ai amu madu ni a zuphpawng hta KNU hku n’na zuphpawng n lung ai lam hpe chye lu ai.

UPDJC zuphpawng gaw, tara shang nre ai sha, wanglung wanglang hku galaw ai hta NCA ta masat htu da sai rawt malan hpung 10 hpe saw shaga ai hta, ta masat htu da sai wuhpung 9 lung wa sai.

UPDJC a amu madu U Hla Maung Shwe hku n’na, ” anhte chye na ai lam gaw, KNU hta ahkyak ai zuphpawng ni nga ai, shanhte a hkrang shapraw komiti zuphpawng ni nga ai majaw n lung byin ai,” ngu tsun wa sai.

Zuphpawng hta, tara shang zuphpawng ni bai hpang wa lu na matu lam tam ai hku galaw n’na, seng ang ai ningbaw ni hpe bai tang madun na matu ningmu ni hpe gahkyin ai lam galaw ai , du wa na July shata hta mung zuphpawng hpe kalang bai galaw na matu myit hkrum da ai hpe chye lu ai.

REF: NRPC Ja Tawng Naw

LEAVE A REPLY

Please enter your comment!
Please enter your name here