Turkey Gumsan Magam Erdogan Hku N’na West Bank Ginra Hpe Palestinians Ni Madu Ai Ngu Tsun

0
31

2019 ning April shata praw 8 ya shani hta, Turkey Gumsan Magam Tayyip Erdogan gaw Yerusalem Muklum a sinpraw daw maga na West Bank ginra hpe Palestinians madu ai lamu ga re ai hpe tsun shaga wa sai.

Israeli mungdan a Hkringmang Daju Benjamin Netanyahu hku nna, 2019 ning April shata 9 ya ( bat hpang lahkawng ) ya shani hta galaw na rap daw amat ra lata poi hta awng dang ai lam lu la jang, West Bank ginra hpe Israeli mungdan de shalawm lu hkra galaw nna, Israeli amyu sha ni bu htawt mai nga hkra galaw na re ngu tsun wa sai.

Turkey Gumsan Magam Erdogan gaw, Israel ni hku nna kalang bai htawt sit madu la hkyen sai ngu tsun wa sai, Turkey mungdan hku nna Palestine ni hte rau tsap nna madi shadaw na lam hpe tsun shaga wa sai.

West Bank ginra hte seng ai labau kadun hpe yu jang …

● 1948 – 1959 hta Palestinian ni hku nna Gaza hpe uphkang wa sai.
● 1948 – 1967 ning lapran hta Jordan mung dan hku nna West Bank hpe zingla da ai.
● 1967 – 1994 ning lapran hta Israel hku nna, West bank hte Gaza hpe shara la da sai.
● 1994 ning hta West Bank shara nkau mi hpe 1993 ning na Oslo myit hkurm lam hte maren Palestine ni hpe jaw kau sai
.

Israel mungdan a Hkringmang Daju Benjamin Netanyahu gaw hpawt ni galaw na amat ni a ra lata poi hta shi a party ni awng dang ai rai jang, West bank ginra hpe shara la mat na, ngu ai lam hte mae gang la nga ai hpe chye lu ai.

REF: Star Online, Wikipedia
Ja Tawng Naw

LEAVE A REPLY

Please enter your comment!
Please enter your name here