Tokyo Prat Ningnan Ginsup Poi Hta Aung La Nsang Padang Dip

2019 ning March shata 31 ya shani hta Japan mungdan Tokyo mare hta ” A New Era ” ( Prat Ningnan ) ginsup poi hta Aung La Nsang hku nna shi a One Middleweight masat hpe makawp maga ai lam hta, Ken Hasegawa hpe Round 2 hta 4:41 minutes ten shaloi dang hkra lu ginsup mat ai hpe chye lu ai.

Ginsup poi ngut ai hpang, shi laika sanglang hpawng hta Aung La Nsang hpe Mizzima media kawn san htai da ai kaw nna nkau mi hpe bai tang madun dat ai.

● Ndai zawn awng dang lu ai majaw Grai kabu ai, atsawm hkyen lajang nna ginsup ai majaw awng dang ai lam lu la ai, Myen mung na mung shawa ni n’gun jaw ai majaw mung grai kabu n’gun lu ai, grai chyeju kaba ai, yawng hpe grai tsawra ai.

● Ngai na training hta ngai htawng ai hpe kadai mung nau n lu hkam ai, Hasegawa gaw ngai htawng ai hpe atsawm hkam jan lu ai, ginsup shingjawng manang kaja langai re.

● Du wa na October shata poi hta Philippines mungdan na MMA ginsup ninghkrin Vera hte ginsup mat wa na re. Shi ngai hpe dahkat ai lam galaw ai majaw grai pyaw ai, kabu ai, a tsawm hkyen lajang nna ginsup mat na, shi hte ginsup na shata 7 naw ra ai majaw atsawm naw hkyen lajang na, dai lapran hta Myen mung kaw poi langai naw ginsup na.

● Du wa na a ten hta, Mungkan madang ningtawn ninghkrin padang masat langai bai lu hkra naw shakut na.

● Myen mung shawa shada tsawra myit hkrum ai lam galaw ga,, Hkang, Jinghpaw, Rakaing , Mun ni yawng myit hkurm tsawra nga na hpe ra sharawng ai.

REF: Mizzama News
Ja Tawng Naw

Leave a Reply

Your email address will not be published. Required fields are marked *