Tinang Ma Ni Hpe Atsawm Sadi Nna Yu Lajang Ga

0
45

Ma kasha ni dum n’ta, gat kata, jawng sa ai lam ni kaw nna mat ai shiga hpe jahking hkring na lu ai hta, Ndai 2018 ning hta gaw, ma mat ai shi ga grai law ai hpe maram mu lu ai. Dai hta na, Pang Sai Mare na, Mary Seng Mai a lam hpe tang madun let, tinang kashu kasha ni hpe grau sadi maja lu yu na matu shadum dat nngai.

Mary Seng Mai 

Muse Ninghtawn, Kyukok Pangsai mare hta nga ai, U Zin Min Lat hte Jan Ma Roi ya na kasha Mary Seng Mai ( asak 6 ning ) gaw, lai wa sai 2018 ning Novermber shata praw 10 ya shani hta mat mat ai shaloi Pangsai balik dap hta masha mat ai hte seng ai lam hpe shana da ai hpe chye lu ai.

Dai hta, Nov 27 ya shani  hta gaw Miwa mung ga  jarik Nanyan hka shi hta, ma jasi hpe Plastic buri hta bang nna, kabai da ai shiga na ai majaw, seng ang ai ni jep sagawn yu jang lai wa sai praw 10 ya shani mat ai ma Mary Seng Mai re taw ai hpe shagrin lu ai.

Ma a shingma maga de,  ga hkang  hkang ai hpe mu lu nna,  ma a sinde hte laga pu sin ni hpe ga shaw la mat ai ngu shawng n’nan,  maram mu lu ai.  Seng ang ai Tsi du ni jep sagawn ngut jang gaw kata lam mahtai hpe hkrak  chye lu na.

Ma Ni Jahkring hkring Mat Nga

lai wa sai, shata masum mali laman kaw nna,  Jinghpaw mung, Sam mung hkan na ma ni mat ai shiga jahkring hkring na lu ai majaw, tinang kanu kawa ni hku nna, ma ni hpe astawm yu na matu ahkayk nga ai. Ma ni hpe rim nna mayun hpaga ga ai wuhpung nga taw sai hpe chye lu ai.

                      

Miwa Ni A Mayun Hpaga

Asak naw kaji nna, yaw ga ana n’nga shi ai ma ni a pu kan sin ni hpe,  ga shaw la nna, Miwa mung de mayun hpaga ga ai gat lawk kaba nga ai majaw, tinang ai ma ni hpe astawm yu na hte ma ni hpe tau hkrau sharin da na grai ahkyak nga sai.

 

REF: Shawng Lam Shi Sawk

Ja Tawng naw

LEAVE A REPLY

Please enter your comment!
Please enter your name here