Thai Ra Lata Poi Hta Hpyen Dap Uphkang Ai Hpe Ninghkap Ai Pheu Thai Party Dang

0
53

2019 ning March shata 24 ya shani hta galaw ai Thai mungdan a ra lata poi hta, Thai mungdan a shinggan de du nga ai moi na hkringmang daju usa Thaksin Shinawatra hte matut mahkai nga ai Pheu Thai party gaw mae lata ginra 136 hta dang n’na, shara lawm htum hta dang ai party re sai hpe May shata 7 ya shani hta, Thai ra lata poi komishin kawn tara shang ndau tsun shaga wa sai.

Thai hpyen dap kawn madi shadaw da ya ai Palang Pracharath party gaw shara 97 hta dang nna, no lahkawng law htum dang ai hta du nga ai.

Ra lata poi hta sum mat ai ya na hkring mang daju Prayuth Chan-Ocha

Thai lawu rapdaw hta amat shara 500 nga ai hta, 350 hpe mung shawa kawn ading dawk ra lata ai lam galaw nna, ngam ai 150 hpe gaw, shanuk ai ladat hte sawn nna, mungdan ting hta dang ai party hpra hpe gambum garan n’na masat ai hkrang hte galaw da ai majaw, gara party ni gade bai lu jat na hpe gaw, rai n chye shi nga ai.

Mung shawa kawn ra lata ra ai marai 350 kaw nna, shara 349 hpe, ra lata komishin kawn shagrain da ngut sai hpe chye lu ai.

REF: VOA, Star News
Ja Tawng Naw

LEAVE A REPLY

Please enter your comment!
Please enter your name here