Thai Mungdan A Ra Lata Poi Hpang Sai

0
39

2019 ning March shata 24 ya shani hta, Thai mungdan hta ninggawn ra lata poi hpang sai lam hpe chye lu ai, hpyen dap kaw nna mungdan hpe uphkang ai ahkang aya hpe zing da ai 5 ning na ai hpang, ra lata poi galaw wa sai.

2014 ning kaw nna mungdan a uphkang ahkang aya zing ai hta woi awn ai, ya na hkringmang daju Pryuth Chan-ocha gaw, matut nna uphkang aya hpe lu na matu myit mada nga ai.

Hpyen dap kaw nna lajang da ai Mung masa lailen hpe yawng n’hkap la ai majaw, ra lata poi hpang na ndau ai kaw nna, n zim ai lam ni byin wa nna, Thai mungdan a matu mayak langai byin wa na hpe sawn shaga ai ni nga wa sai.

Ra lata mae jaw mai ai mung shawa wan 51 gaw, hkringmang daju hpe ading tawk ra lata ai hku n re ai sha, ra lata hkrum ai lawu rapdaw amat 500 hte hpyen dap kawn shatsam ai lahta rapdaw amat 250 hte, yawng amat 750 kawn malawng madi shadaw ai wa hpe hkring mang daju hpe lata mat wa na hku lajang da ai.

Hkring mang daju hku nna, rap daw amat n byin ra ai. Mung masa party kaba ni hku nna Hkring mang daju hpe lata mai tim, Asuya langai hpawng na matu ra ai amat ni lu na masa n nga ai.

Rap daw hta, malawng madi shadaw ai lam n nga tim, lahta rap daw kawn madi shadaw nna, hpyen dap ra sharawng ai hkring mang daju langai mai pru wa ai hpe tang madun dat ai.

REF: VOA
Ja Tawng Naw

LEAVE A REPLY

Please enter your comment!
Please enter your name here