Thai Hkawseng Shayi Hkringmang Daju Ra lata Poi Shang Na

2019 ning March shata 24 ya shani hta galaw na ra lata poi hta, Thai hkawseng shayi Ubolratana Rajakanya Sirivadhana Barnavadi gaw, moi na hkringmang daju dingsa Thaksin a jinghku party Thai Raksa Chart party kawn Mungdan a hkringmang daju aya hpe shang shing jawng na hte seng nna, lajang wa ai majaw, Thai mung masa pinra hte mung shawa ni a lapran hta grai myit shang sha ai lam langai tai wa sai hpe chye lu ai.

Hkawseng shayi hpe madi shadaw ai mung shawa ni hku nna ganghkau shiga hta madi shadaw ai lam ni ka nna, shi hpe laga labau shang myu shayi ningbaw ni hte shabung nna tang madun ai lam ni hpe galaw nga sai.

Ndai ra lata poi gaw, lai wa sai 2014 ning hta, ya na hkringmang daju Prayuth Chan-ocha hku nna Yingluck Shinawatra hpe mung dan a uphkang aya kaw nna jahkrat let, daru magam zing la ngut ai hpang, manga ning na ai hpang kalang bai galaw ai ra lata poi hku ang wa sai.

Hpyen Dap ni woi awn ka ai Gawda ai Tara 2016 ning hpyendap ningbaw ni ka lajang da ai mungdan a gawda ai tara ningnan hpe mung shawa ni malawng maga madi shadaw hkap la ma ai. Dai gawda ai tara ningnan gaw, hpyen dap hpe grau daru ahkang aya jaw da nna, hpang de galaw sa wa na ra lata poi hta, Thaksin a jinghku party ni ndang hkra ka lajang da ai hpe chye lu ai.

Hpyen ahkang aya zing ai Du daju Prayut Chan-ocha hku nna, February 8 ya shani hta, hpyen dap hpe madi shadaw ai Phalang Prachara party kawn hkringmang daju aya hpe shang shingjawng na ngu tsun shaga wa sai.

Ya na Hkringmang Daju mung bai shingjawng na

Thai Hkawhkam Myit N’hkurm
Hkawseng shayi ra lata poi shang na hte seng nna Thai Hkawhkam Maha Vajiralongkorn hku nna mara shagun ai lam galaw ai, Thai hkawhkam hkawseng ni hku nna, mung masa hta ading tawk nshang lawm na ngu ai lam hte wa hkra nga nna, htap htup ai lam mung n nga ai, dai hta n’ga gaw da ai tara hte mung n’htang shai nga ai ngu ai hpe, shi kana shang shingjawng na hpe myit n’hkrum ai hku tsun shaga wa sai.

Thai Hkawhkam

Mung shawa a ahkaw ahkang
Hkawseng shayi gaw shi a hkawseng aya hte seng ai shagrau da ai lam ni yawng hpe bai ap da chyalu rai sai ngu nna, shi a Instagram hta ka da nga ai. Ya gaw shi hku nna yu maya masha hku sha nga ai majaw mungdan masha langai hku nna mungdan a hkringmang daju ra lata poi hta mying hpe tang shawn na ahkang nga ai hpe matut tsun sanlang da nga ai.

Dai majaw, ndai lang na Thai mungdan a ra lata poi hta hpyen dap ahkang aya zing da ai Du daju Prayut Chan-ocha hte hkawseng shayi Rajakanya Sirivadhana Barnavadi a lapran hta kadai dang wa na hpe gaw Mach shata 24 ya shani hta mu mada lu wa na sai.

REF: Aljazeera, Star Online, BBC
Ja Tawng Naw

Leave a Reply

Your email address will not be published. Required fields are marked *