Tengman Ai Lam N’lu La Shi ai Hpaji Laika Sasana Saranum Lahkawng A Mabyin

2015 ning January shata praw 19 ya shana, Pangsai Ninghtaw, Kawng HKa, Shabuk mare hta KBC a laika Sasana  apnawng jawng Saranum lahkawng, Maran Lu Ra ( 20 ning ) & Tangbau Hkawn Nan Tsin (21 ning)  yen hpe   myen hpyen dap a roi rip sat hkrum ai gaw mali ning ladu hkrum wa sai.

Mali ning aten ladaw hpe  bai maram yu jang,  teng man ai lam lu la na matu tarang shang galaw nga ai lam hte, Myen hpyen ni a zai ladat hpe tang madun dat ai.

  1. Tara Upadi  a Makawp Maga Ai Lam N’nga Ai

● Saranum yan hpe  roi rip sat ai Sak Se ni grai law law nga ti mung, Myen tara rung kaw nna dingman ai hku npru wa ai.

● 2016 ning May 18 ya shani Lashu balik rung kaw KBC hte  HK-Ma-Ya (503) kaw nna hpyen du ni hte lu hkrum tim,  ading tawk san jep ai lam ahkang n’jaw ai, balik ni hku nna Myen Makawp maga dap de tang madun ya na sha tsun wa sai

● KBC hku nna mung Mungdan gumsan magam kaw liaka bang tim ahkyak nla ya ai.

● Sammung Jinghpaw Wunpawng tara kasa hpung ni, saw sagawn ai galaw let, lajang nga tim mahtai grai n’pru shi ai.

● 2017 ning hta  Myen hpyen dap kaw nna numbat masum kaba htum Du kaba langai hku nna, “malap kau na,” matu KBC ningbaw Dr. Hkalam Samson hpe tsun wa sai.

Tara masa hku kade shakut nga tim, asan sha chye lu ai gaw, Myen shada hkra machyi wa ai baw ( grau nna Myen hpyen dap ) nga jang, Myen tara masa gaw Myenn maga sha tsap ai hpe asan sha mu lu nga ai.

2 )  Myen Hyen Ni A Laknak kaba

                Rawt malan nga ai Myen mung amyu bawsang ni a shara ni hta, Myen ni gaw, laknak machyu pala ni hte sha  kasat nga ai nre, mung shawa ni, rawt malan hpe n’gwi madi shadaw wa hkra, mung mare masha ni hpe zingri zingrat, roi rip  sat ai ladat amyu myu hpe laknak kaba langai hku jai lang nga ai.

                 Grau nna, rawt malan nga ai majaw anhte ni ndai hku hkam sha ra ai ngu myit rawng wa shangun nna, rawt malan hpung ni hpe mara shagun, madi shadaw ai lam n’galaw ai sha, rawt malan hpung ni dumbri dumbra galaw ai ladat kaba langai rai nga ai.

                Ndai hpe  yawng hkawn  hkrang let, anhte a rawt malan hpe grau shanglawm madi shadaw nga jang she, teng man rapra ai, ngwi pyaw ai hte anthe myit mada ai bandung de du wa lu na re ngu n’gun da ting let jawm shakut shaja sa wa ga.

REF: KBC Nsen, Burma Campaign UK

Leave a Reply

Your email address will not be published. Required fields are marked *