Tara Upadi N’tsa Kaw Nga Taw Ai Myen Hpyen Ni

0
49

Myen mung gaw, Democracy de galai nga sai ngu grai tsun nga tim, Myen hpyen dap hku nna, Myen mung tara upadi hte uphkang ai lam a ntsa hta nga taw ai hpe Dec 7 ya shani na tara dawdan ai  mabyin hpe yu jang adan aleng mu lu nga ai.

1 ) Hpyen Yen Ni lawt Na Matu Woi Awn Ai Ningbaw 3 hpe Ari kaba jaw ( Dec 7, 2018 )
2018 ning December shata 7 ya shani hta, Sara Lum Zawng, Sara Zau Jat hte Saranum Nang Pu ni hpe Myikyina Tara rung kaw nna  ari kaba hku daw dan dat sai.

Lai wa sai  April shata laman hta majan grai laja lana byin wa ai ten hta, majan hkring na matu hte majan kata pat rawng nga ai mung mare masha ni [ Nau Lai hku mare masha 150 jan, Aung Lawt mare masha marai 2000 jang hte Njang Yang mare masha 500 jan ] lawt na matu Myitkyina hta  ninghkap shawa n’gun madu ai hta woi awn ai, Sara Lum Zawng, Sara Zau Jat hte Saranum Nang Pu ni hpe, Myen hpyen dap hku nna,  shan hte hpe sari jahpoi ai tara masat 500 hte tara jawat da ai kaw nna, tara agyi ni hku nna Myen gumhpraw sen 5 hte Htawng dam shata (6) hpra jahkrat dat sai hpe chye lu ai.

2) Htawng Dam Hkrum Ai Ningbaw 3, lawt na matu ninghkap N’gun madum ai marai 3, tara Jewat Hkrum ( Dec 7, 2018 )


Sara Lum Zawng, Sara Zau Jat hte Saranum Nang Pu ni hpe ari jaw ai hte seng nna, tara rap ra ai lam n’nga ai majaw ninghkap ai hku nna, Shy. Sut Seng Htoi, Shd. Brang Mai, Shd. Seng Hkum Awng ni woi awn let, IDPs ni marai 50 jang gaw, tara rung kaw nna, manau wang du hkra lagaw lam hkawm n’gun madun ai lam galaw sai.

Dai lam hte seng nna, Myitkyina balik du gaw woi awn ai marai 3 hpe, tara masat 19 hte maren mani na n’htoi hta balik dap hta tara jewat da ai hpe chye lu ai. Mana gaw, pahkam hkam nna, balik dap wa nna bai pru wa sai, du wa na Dec 10 ya shani hta tara rung hta tara dara hpang na hpe chye lu ai.

Myen hpyen dap hku nna, shanglawt ni hte hpyen gasat ai ten hta, shan hte hpe n’hkra na matu mare masha ni hpe lapran hta matep rim da ai lam hpe, Mungkan mungdan ni chye hkra byin mat wa ai majaw, gaya hta nna, woi awn ai ningbaw masum hpe tara upadi an’tsa hkang let,   ari kaba  jaw ai masa hpe mu lu nga ai.

( Magrau Grang Ai Myu Sha Ramma Ni Hpe Hkungga Jaw Dat Ai )

REF: RFA

Ja Tawng Naw

LEAVE A REPLY

Please enter your comment!
Please enter your name here