Tara Upadi Masat 59/F Hpe Dawm Kau Na Matu NLD Party Tang Shawn

0
21

2019 ning March shata 12 ya shani hta, 2008 ning gawda ai tara gram lajang hpawng jawm komiti a 6 lang na zuphpang hpe Naypyidaw hta galaw ai hpe chye lu ai.

Dai zuphpawng hta, Awng San Suu Kyi hpe Gumsan magam tai na matu pat shingdang da ai tara upadi masat 59/F hpe dawm kau na matu NLD party a dat kasa ni hku nna tang shawn dat ai hpe chye lu ai.

Zuphpawng hta, gaw da ai tara na daw kaba 3 hta lawm ai, tara masa lam 17 hpe bawng ban wa ai hta, tara masat 59/F hpe garam lajang na matu tang madun dat sai.

Rahkaing Amyu sha party a dat kasa hku nna gaw, Amyu sha rapdaw, munghpawm rapdaw kawn Myen hpyen dap dat kasa ni hku nna ningtau Gumsan Magam hpe tang madun mai ai tara hpe dawm kau na matu tang madun wa sai.

Ndai masa ni hpe maram yu jang, NLD hku nna, gawda ai tara hpe rapdaw kata hta gram ai lai ladat hte galaw hpang wa sai, gram lajang na matu masat da ai tara hte n htang shai ai ngu hpyen dap dat kasa hte USDP dat kasa ni hku nna ning hkap ai lam ni galaw nga ai.

Dai sha n ga, NCA masa hku nna gawda ai tara hpe gram na matu laknak lang ai rawt malan hpung ni hku nna tsang hte tsang lajang nga ai hta, NCA hta wuhpung yawng lawm na lam hta, hkring nga ai masa hku byin nga ai hpe chye lu ai.

REF: RFA
Ja Tawng Naw

LEAVE A REPLY

Please enter your comment!
Please enter your name here