Tara Nshang Shanu Nga Ai Majaw Miwa Mungdan Kaw Rim Hkrum Ai Masha Ni Hpe Bai Ap Ya


Miwa gum san mung dan pru shang lakmat nlu ai sha bungli sa galaw nna rim hkrum ai masha ni hpe Miwa asuya balik ni kawn December (18 ) ya shani Laiza balik Dap de bai sa ap ya ai lam na chye lu ai.

    Ndai zawn rim hkrum ai ni gaw Miwa gumsan mung dan de bungli sa galaw ai ni,mung chying masat nlu ai zawn re ni ,pru shang lakmat n lu ai ni, Miwa mung kata  hkring hka nga a hkang lak mat n galaw da ai zawn re ni hpe Miwa Asuya ni kaw rim ahkyak la nna bai sa n htang ya ai lam re .

    Matut nna ndai zawn rim hkrum ai lam n byin na matu laiza muk lum hku nna mung wunpawng mung dan shanglawt Kongsi   hku nna mung seng ang ai hpyen yen dabang ,mare shara shagu de laika hku nna sadi jaw n dau shabra ai lam ni galaw nga ai re, matut nna ndai zawn rim hkrum ai lam nbyin na matu pru shang lak mat lang na she  hkawm sa ga nga nna Laiza Muklum Balik Dap Dabang Up Chya`Hkyi Bawk Naw tsun ai.       

Dai ning laman hta Miwa Asuyamung dan kaw tara nshang nga ai majaw rim hkrum ai masha ni hpe Miwa balik ni bai sa ya ai gaw 2 lang rai sai hte rim hkum ai masha yawng marai (58) rai sai lam chye lu ai.     

         [ ndai shiga mabyin hpe bai mara dat ai gaw, tinang a mungdan, shadik jahpang lamu ga, awmdawm ahkang aya hte, mungdan masha a manu kade ahkyak ai hpe chye shangun mayu ai, Miwa ni anhte Wunpawng ginra hta wanlu wang lang hkawm sa lu taw nna, kam ai hku galaw mai ti mung, anhte gaw n’mai nga ai, dum hprang na matu !!! ] 

REF:  Sha wa ndau                                                                                                                    Ja Tawng Naw

Leave a Reply

Your email address will not be published. Required fields are marked *