Syria kawn America Hpyen Dap Ni Pru Hpang Sai

0
44

American mungdan gaw, Syria mungdan hta nga ai IS ( Islam nawku htung hpe ladu lai kam sham myit jasat rawng ai hpung ) ni hpe gasat gala hta padang dip lu sai ngu, gumsan magam Donald Trump gaw shi a Twitter hta ka da nna, 2018 ning December 18 ya shani kaw nna American hpyen dap hpe Syria mungdan kaw nna dawm hpang sai lam hpe Gumsan magam  Rung, White house kawn tsun shaga da ai hpe chye lu ai.

USA hte Myitrum jinghku mungdan ni a hpyen dap hpe, Syria mungdan na IS ni hpe hpyen gasat ai lam hta, ninggam langai mi htawt sit ai hku nna, Syria mungdan kaw nna, USA hpyen dap hpe tinang mungdan de bai  wa taw sai lam hpe, White House tsun shaga ahkang lu ai Sarah Sanders hku nna tsun ai. Syria na IS ni hpe padang dip sai ngu ai gaw, USA hte Myitrum jinghkku mungdan hpung ni a magam bungli tespkawp ngut sai gaw grai n’re shi ai ngu matut tsun san lang dan nga ai.

USA hte myitrum jinghku mungdann ni hku nna, shanhte a akyu ara hpe hkra wa jang, gara aten hta mi rai tim, bai gasat na lam hte IS ni hpe mungdan kata hta nga na ahkang, jagum hpraw madi shadaw ai lam ni hte, jarik kaw nna shang wa ai lam ni hpe pat na matu matut galaw mat wa lam hpe mung tsun da nga ai.

Syria Mungdan Hta IS ni madu da ai lamu ga ( achyang nsam ) 

Raitimung, American a hpyen daju Pentagon rung kaw nna, tsun shaga ahkang lu ai Salang Kaba Dana White gaw, IS ni madu da ai shara ni hpe bai lu zing la tim, IS hpung hpe gaw, yawng nlu shamyit shi nga ai hpe tsun ndau da nga ai.

REF: VOA News, The New York Times                                                                        Ja Tawng Naw 

LEAVE A REPLY

Please enter your comment!
Please enter your name here