Sudan Shawa N’gun Madun Ai Hpe Hpyen Dap Ni Gap Shazim Ai Hta Si Ai Jahpan 60 Du

0
21

2019 ning June shagta praw 3 ya shani Sudan mungdan Khartoum muklum kaba hta, Sudan Hpyen makawp maga rung shinggan hta, shawa n’gun madun nga ai ni hpe Sudan shim lam hpung kawn gap shazim ai shaloi, si hkala ai masha marai 60 du sai hpe chye lu ai.

April shata hta, Sudan gumsan magam Omar al-Bashir hpe arawng aya jahrat kau ai hpang, hpaw ninghtan da ai pran wan hpyen dap kongsi ningbaw hte ninghkap hpung ningbaw yan a tsun jahkrum wa ai hta, masum ning tup pran wan kongsi hku uphkang ngut jang, Democracy de galai uphkang na hte seng n’na ningmu shai hkat ai hpang, shawa n’gun madun nga ai hpung hpe ndai zawn gap sat ai lam byin wa ai.

Pran wan hpyen Kongsi ningbaw Lat du daju jum Abdel Fattah al – Burhan gaw, ndai zawn byin ai lam hta lahkawng maga hta lit nga ai ngu tsun wa sai. Shi hku n’na, mi shawng de lahkawng maga myit hkrum da ai lam ni yawng hpe dawm kau sai hte, ra lata poi hpe shata 9 laman galaw na hpe ndau shana wa sai.

Sudan ninghkap hpung a ningbaw Madani Abbas Madani gaw, pran wan hpyen kongsi tsun ai shata 9 laman ra lata poi galaw ai hpe ningdang kau n’na, shim lam hpung a lajang ai lam gaw, “ sat sharu ai lam “ re ai hpe mara shagun da ai hpe chye lu ai.

REF: Aljazeera, The Star Online
Ja Tawng Naw

LEAVE A REPLY

Please enter your comment!
Please enter your name here