Sri Lanka Mungdan Hpe Bank of China Kawn US$ Wan 300 Bai Hkoi Ya Na Lajang

0
73

Sri Lanka mungdan a mung masa galai shai wa let shanut ai lam ni byin nga ai majaw, mungdan a sut hpaga lam ni hkrat ai. Dai lam hte seng nna, Bank of China hku nna 2019 ning January shata praw 15 ya shani hta US $ wan 300 bai hkoi ya nna tsun wa sai, lai wa sai hkoi ya ai gumhpraw ni hte yawng re jang US $ wan hkying mi de du sai lam chye lu ai.

Sri Lanka a Asuya a sut hpaga dap hkringmang Eran Wickramaratne hku nna, Miwa gumhpraw dum kaw nna hkoi ya na hpe myit nga ai ngu shiga dap lagnai hpe tsun wa sai.

Matut nnn, Eran hku nna gaw, India Central bank hte mung shawng de US$ wan 400 hkoi na ngu jahkrum da ai hta, US$ wan hkying mi du hkra bai hkoi lu na matu lajang nga ai hpe tsun wa sai.

Miwa mung Tsaban 21 Hka Sanghpaw lai ri lam

Sri Langka mungdan a 2018 ning na Maigan mungdan ni kaw nna gumhpraw hkoi da ai jahpan hpe yu jang, htam mali kaw nna htam mi gaw Miwa mungdan kawn hkoi lang da nga ai. Miwa Asuy hku nna, tsaban 21 lai ri matut mahkai lam ( silk road ) hte seng nna, mung dan kata hta mawdaw lam hte sanghpaw daru ni gawgap na matu US$ Wan hkying 8 hkoi da ya chya lu re.

Sri Langka mungdan kata hta Miwa mungdan hku nna, hpaga yamga lam hta madung arang bang ai mungdan langai rai sai. Dai lam hte seng nna, mungdun kata hte mungkan hku nna mu mada ai gaw, Miwa ni gaw maw lanyet kaba hte Sri Langka mungdan hpe hka kata hta yak na matu mahkam hkam ai lam hpe galaw nga ai ngu tsun htai lai nga ma ai.

Mungdan a amyu sha shimlam hte seng nna ninghkap n’gun madun nga tim, Asuay lahkawng hku nna, US $ Wan hkying 1.12 jan re ai myit hkrum ai lam ga sadi hpe ta masat htu da sai. Myit hkrum ga sadi hte maren, Sri Langka mungdan a madung jai lang nga ai sanghpaw daru a 70% hpe Miwa ni hpe jaw na matu rai wa sai.

REF: Aljazeera
Ja Tawng Naw

LEAVE A REPLY

Please enter your comment!
Please enter your name here