Singapore Hta Rim Hkrum Ai Rakhine Marai 6, AA Hpe Madi Shadaw Garum Ai Lam A Majaw Mung Dan Kawn Wa Shangun Na

0
49

2019 ning July shata 10 ya shani hta, AA ningbaw Tun Myat Naing a kanau, Aung Myat Kyaw hte Rahine – Singapore hpung malawm marai 6 hpe Singapore balik ni rim mat ai hpe chye lu ai.

Shan hte ni hpe Singapore mungdan kawn gau shale na hpe July 10 ya shani na n’htoi hte ndau shana ai hte chye lu ai.

Rim da hkrum ai marai 6 gaw, Myen Asuya hpe gasat nga ai AA hpung hpe garum madi shadaw nga ai majaw ahkyak la ra ai lam hpe ndau laika hta mu lu ai.

Rahkine – Singapore hpung ni hku n’na, Singapore mungdan hta nga ai, Rahkine ni a lapran hta, myit sharawt  ja gumhpraw hta ai lam ni, masha ningnan lahkawn ai lam ni galaw ai ngu mung tsun da nga ai.

Rim da hkrum ai marai 6 hta na, U Tin Hlaing Oo hte Daw Aye Myat Mon ni hku nna July 11 ya shani na nbung li hte Yangon de bai du wa sai.

Yangonn N’bungli pa hta, Shi laika shara ni jawm san ai shaloi, “ anhte a myit the bai wa ai, hpa rai n’na sum la gayek ra ai ta, ngai na myit hte bai wa ai, “ ngu U Tin Hlaing Oo kawn tsun wa sai.

Ngam nga ai mari 4 hpe galoi hkan bai sa na lam hpe gaw grai nchye lu shi nga ai.

REF: RRA, Irrawaddy

Ja Tawng Naw  

LEAVE A REPLY

Please enter your comment!
Please enter your name here