Simsa Lam Masa Hkra Wa Mai Ai Majaw Chiang Mai Hta Galaw Na PPST Zuphpawng Hpe Ahkang Njaw

0
28

Myen Asuya hte Hpyen dap ni woi awn nga ai Simsa lam masa hpe hkra dingbai dingna byin wa mai ai majaw, Thai mungdan Chiang Mai muklum hta June praw 8 ya shani galaw na PPST a hkring shapraw komiti zuphpawng hpe pat hkum dat ya ai lam hpe chye lu ai,

Ndai bawng ban hpawng hpe Thai lit nga ai ni pat kau ra ai lam gaw, NCA hta ta mast grai nhtu shi ai, masam maram hku n’na shang lawm nga ai KIA hte KNPP ni shang lawm wa mai ai majaw, simsa lam hta shanut ai masa ni mai byin wa ai lam hpe, Myen hpyen dap hku n’na Thai up hkang Salang ni hpe garum hpyi ai majaw, ya na zawn pat kau ra ai hpe RCSS a shiga dap kawn tsun shaga wa sai.

Zuphpawng hpe pat hkum ai hte seng n’na RCSS a ningtau ningbaw 2 Du daju Sai Ngin gaw, “ kaja wa tsun ga nga jang, ndai hkrang shapraw komiti hta, KIO hte KNPP hpe saw shaga da ai lam n nga ai,” ngu tsun wa sai.

Ndai zuphpawng gaw, PPST kawn PPCM ( Peace process Consultative meeting ) hku galai na hpe hkut hkut nai nai bawng ban na matu ngu chye lu ai.

PPCM ngu ai gaw, NCA hta, ta masat grai n’htu shi ai rawt malan hpung ni shang lawm wa lu na matu ngu ntsa lam chye lu ai.

REF: Shawng lam shi sawk, Eleven

Ja Tawng Naw

LEAVE A REPLY

Please enter your comment!
Please enter your name here