Simsa Lam Hte Seng Ai PPST Zuphpawng Hpe December Praw Hta Galaw Na Lam Nga

0
16

Gaphkat jahkring da ai rawt malan  hpung ni woi awn let, Simsa lam hte seng nna,  lam woi na hpung, PPST zuphawng hpe du wa na December shata praw hta galaw na lam nga ai shiga na lu ai.

NCA hta ta masat htu da sai rawt malan hpung 6 kaw nna, laika ka let, PPST a ningbaw Du kaba Mu Too Say Poe hpe tang madun da ma ai.

Lama nna, KNU gaw PPST a dat kasa hpe galai na lam nga nna, PPST zuphpawng hpe n’lu woi awn ai nga jang, ngam nga ai , rawt malan hpung ni kaw nna December praw hta galaw mat na re ngu, Pa-oh rawt malan hpung a  ningbaw Khun Okka tsun ai.

Ndai laman byin nga ai , mung masa galai shai ai lam ni hte, Mung masa bawngban hpawng hpe lung na matu  jahkring da ai hpung ni hte seng nna, bai jahkrum lu na matu, PPST zuphpawng  galaw ra ai ngu,  Khun Okka matut tsun ai.

PPST zuphpawng a ningbaw shara hta, KNU ni hku nna Du kaba Mu Too Say Poe a malai KNU amu madu Padoh Saw Tar Doh Mu hpe galai shatsam da ai majaw, ndai lang na PPST zuphpawng hta, PPST ningbaw shara bai galai na lam hpe chye lu ai.

Ndai lam ni hpe maram yu jang, NCA ta masat htu da sai rawt malan hpung ni a lapran hta,  NCA shawng lam hte seng nna,  nru nra lam ni byin wa ai hpe mu lu nga ai, grau nna, N’gun kaba ai, KNU hte RCSS ni masa galai wa jang, laga ngam nga ai  rawt malan hpung kaji ni  a matu, Myen hte bawngban shaga na matu gaw, grai yak ai masa de du wa nga ai lam hpe tang madun dat ai.

REF:  RFA

Ja Tawng Naw

LEAVE A REPLY

Please enter your comment!
Please enter your name here