Simsa Lam Hte Seng Ai Hpe KNU Ningtau Dap-awn Daju Saw Baw Kyaw Heh A Ningmu

KNU Ningtau Dap-awn daju, Du daju Saw Baw Kyaw Heh Hku nna, Simsa lam hte seng ai lam, NCA hte seng ai lam ni hpe grai san lang ai hku tsun da ai majaw, myu sha ni chye ging ai ngu yaw shada let, tang madun dat ai. KNU kata hta, hpyen masa maga de ja ja tsap nna mying kaba ai Du daju Saw Baw Kyaw Heh hte NCA hta Myen hte grai ni ai hku woi sa nga ai Mutu Say Poe ni a lapran hta simsa ai lam hte seng nna mala hka ai lam ni nga ai hpe mung chye lu ai.

KNU hta Dap Ba 7 nga nna, hpyen ma n’gun marai 10,000 daram nga ai hta, Ningbaw kaba Mutu Say Poe a masa hpe madi shadaw lawm ai ni gaw Ba 1, 3, 4, 6 hte 7 rai nna, Du daju Saw Baw Kaw Heh maga madi shadaw nga ai ni gaw, Ba 2 hte 5 rai ai hpe chye lu ai. Mutu Say Poe ni simsa lam hte seng nna woi n’da mat ai lam ni nga tim, Nov shata na KNU zuphpawng masa hta gaw, Du daju Saw Baw Kyaw Heh ni a masa hpe grau hkap la lu wa ai majaw, NCA zuphpawng lung na matu pyi jahkring da ai masa de du wa ai lu sai. Hpa mi rai rai ndai lam gaw, Myen mung amyu sha rawnt malan hpung ni a matu n’gun la hpa langai tai wa sai hpe mu mada lu ai. Lawu na interview gaw, Du daju hte KIC media ni san htai da ai lam ni kaw nna, nkau mi hpe bai tang madun dat ai.

NCA hta dut dang taw ai lam
Ndai hku hkring nga ai hpe kaja ai ngu mu ai, hpa rai nga jang, Ausya hku jahkrat da ai masa langai hte sha n’mai sa ai, NCA hpe yu jang ntsa lam galaw masu ai ni hpe sha mu lu nga ai, kata lam, tengman ai hku bawng ban jahkrum wa jang, nbung ai masa lahkawng gaw, shai hkat, ga law hkat ai lam sha nga ai. Tinang amyu hte htuk manu ai nga jang, matut hkawm ra ai, htuk manu ai lam n’nga jang hkawm na lam n’nga ra sai. Dai majaw, ya sa taw ai Simsa lam masa ni, pri nem lu na matu, lahkawng maga jahkring da nna, bai maram masam shading sharai let, masa lam ningnan hpe hkark bai galaw ra ai. Ya gaw, tinang ra ai maga mi de sa mat wa ai lam sha rai nga ai.

NCA hta yak taw nga ai Hpyen dap lagnai sha nga ra ai lam
Myen hyen dap hte Asuya a yaw shada ai lam gaw, Amyu sha ni a rawt malan ai lam hpe mat hkra galaw mayu ai lam sha rai nga ai. 2008 ning na gaw da ai tara hte maren, munghpawm ginjaw kaw nna uphkang lai ladat hte jum mat wa na masa sha rai nga ai. Dai lam gaw, 2008 ning nag aw da ai tara kaw lawm ai hte maren, 2012 hte 2013 ding yang Myen ni tsun shaga nga ai lam re. Laknak jahkrat ra ai ngu ai hpe ading tawk n’tsun ai sha rai sai, laknak lang ai lam hpe tawn kau nna, tara upadi kata kaw shang wa ra ai, lak nak lang ai hpyen dap langai sha nga ra ai hpe moi na masa hku shat tsun nga ai.

Myen hpyen dap hku nna Shan hte ra ai masa hku sha, jum tek da jang Simsa lam gara hku byin na
Ya na zawn, shanhte a masa hpe sha jum tek nna sa wa jang, simsa lam gaw hten mat na sha re. Tinang myu sha ni a rawt malan yaw shada ai lam hte, galaw sa na nga jang, ndai NCA simsa lam jahkrum ai hpe jahkring kau ra ai. laga lam n’nga ai. Lama nna, simsa lam bawng ban hpawng hpe n’hkring ai sha matut nna sa taw jang, anhte a rawt malan amyu sha bandung ni jahten kau hkrum na re. Dai majaw tinang myu sha a matu ngang kang ai bandung nga jang, ya na NCA simsa lam masa hte n’mai sa ai.

NCA hkring nga ai shaloi Myen hpyen ni shamu shamawt lam
Myen hpye ni a shamu shamawt ai lam gaw ayan na nga ai, shanhte a hpyen dap hpe atsawm shagreng nna, matut mahkai ai mare lam ni hpe grau kaja hkara galaw wa ai. Dap htawt ai lam hpe ayan nna nga ai, shanhte a masing hte mare galaw nga ai.

Simsa lam a masa hta Myen hpyen du ni a magyi magaw galaw nga ai lam
Myen hpyen du ni masu nga ai ngu ai gaw, shanhte galaw ai lam ni gaw, sawt rai galaw ai lam grai law ai, shanhte ra ai maga de sha hkalem nna woi mat wa ai. Shanhte ayan tsun ai, gap hkat shawng jahkring ra ai, dai ngut jang, mung masa bawng ban mat na ngu ai baw re, raitimung gap hkat jahkring ai hpe mahtang , mungdaw langai hpra hku sha galaw mat wa na, dai ngut jang she munghpawm mungdan madang hku nna 2015 ning hta yawng lawm ai hku bawngban nna ta masat htu mat wa na masing re.
Anhte amyu bawsang ni maga de gaw, Myen mung dan hta kalang ta gap hkat jahkring na hpe hpyi shawn lai wa sai, ta tut hta mungdan ting gap hkat jahkring ai hpe n’mai galaw mat wa jang, NCA ( mungdan ting gap hkat jahkring myit hkrum ai ga sadi ) ngu ai ga yan langai hpe bai gin shalat sai. NCA hpe myit hkurm ai lam langai hte rau jawm ka lajang mat wa na, ngu ai de bai rai wa sai, dai lam gaw Myen Asuya a byin mayu ai shan hte a mahkam langai sha tai wa ai.

Anhte ni sa mayu ai lam hku nrai ai sha, shanhte ni sa mayu ai masa de anhte ni mahtang hkan yawng nang ra ai zawn byin nga ai. Dai majaw hkart tup tsun ga nga jang, dai NCA lam gaw byin wa na lam masa n’nga ai.

Simsa lam hte seng nna Kayin hte laga Amyu bawsang ningbaw ni hpe tsun mayu ai lam
Yawng gaw simsa ai lam hpe ra sharawng ai. Jaw ai masa hku nna sa taw ai simsa lam masa hta yawng shanglawm gawgap sa wa ra na. Maga mi hku nna sha ra sharawng ai masa lam hte n’re ai sha, shada hkungga lara let, shada manu shadan let, jawm hpawngde mai nga ai ladat hpe atsawm mahtai tam ra na re.

Maga mi tsun ai hpe sha hkan nang ra ai masa hku nre ai sha, masa lam shagu hpe jawm bawngban, garum hkat ra ai lam hku sa ra ai. Maga mi hku nna ra shawng ai lam hte sha gaw n’mai na re, dai lam ni sharai lu jang she simsa lam hpe gawgap lu na.

KNU gaw lai wa sai November shata 6 -10 laman galaw ai, (6) lang na Ginjaw dingrin zuphawng kaw nna, NCA hta tara shang zuphpawng lung ai lam hpe jahkring mi jahkring da na hpe ndau shana da ai, zuphapwng ni hpe gaw NCA hku nre ai sha, n’dut n’dang re ai masa hte bawng ban jahkrum na hpe daw dan da ai.

REF: KIC News
Ja Tawng Naw

Leave a Reply

Your email address will not be published. Required fields are marked *