Simsa Lam Hta N’hting Nut Na Matu KNU Hte Bawngban

0
72

2018 November shata 16 ya shani hta, Myen mung Asuya hte rawt malan hpung ni a lapran hta, Simsa lam hte seng nna,  dutdang taw ai lam ni hpe, Myen mung simsa lam komishin hpung ni hte KNU ni Thai mungdan hta hkrum zup bawngban ai lam hpe chye lu ai.

Zuphawng hta, NCA hkrumlam kaw nna, n’yit n’hprai ai sha, lahkawng maga lawan bai hkrumzup bawngban na matu myit hkrum ma ai.

KNU maga de nna gaw, NCA masa lam hta, yak ai lam ni hpe tang madun bawngban ai, grau nna gaw, NCA a madung lam ni hta lachyum  chye na ai n’bung wa ai majaw, bawngban ai ladat hte mahtai tam mat wa na ngu, KNU amu madu Padoh Saw Ta Doh Mu hku  nna tsun ai.

Myen Asuya a simsa lam komishin kaw nna gaw, U Khin Zaw Oo woi awn ai. NCA masa lam hpe chye na ai lam ni shai wa ai gaw, lai wa sai Oct 16 ya shaloi na,   Asuya, Myen Hpyen dap hte ta masat htu da sai rawt malan hpung ni hkrum zup hpawng kaw nna hpang wa ai lam hpe chye lu nga ai.

Dai lam ni gaw, Myanmar mungdan kaw n’na n’garan pru na ngu ai ga sadi jaw ra ai hte hpyendap langai sha tai na lam hte seng nna rai nga ai.

 

REF: RFT, KNU News

Ja Tawng Naw

LEAVE A REPLY

Please enter your comment!
Please enter your name here