Shawng Na Lang MUSHE Shagrau Sha-a Kumhpa Shagrau Ya Sai

2019 ning February shata 13 ya shani, Jinghpaw mungdaw Myitkyina Muklum, Manau wang hta, majan kata pat shingdang hkrum nga ai mare buga shawa ni hpe lawt lu na matu shanglawm lai wa sai, Slg. Hkawn Zau Jat, Shd. Qhangkum Lum Zawng hte Saranum Nbau Nang Pu ni marai masum hpe Munpawng Amyu Sha Mung Bawng Rapdaw ( WMR ) hte World Kachin Congress ni woi awn let “ MUSHE” ngu ai Shagrau kum hpa hte shagrau ya ai hpe chye lu ai.


Mung shawa ni lawt na matu woi awn ya ai ningbaw masum gaw ya aten hta Myitkyina tara rung kaw nna, n tara ai hku nna gumhpraw dam sen (5) hte htawng dam shata ( 6 ) rang nga sai.

Ndai zawn mung shawa a matu tinang a kyu hpe nyu ai sha apnawng shakut shaja ai, ningbaw masum hpe shagrau ai “ MUSHE “ ngu ai ninglaw ga a lachyum gaw lawu na hte maren tang madun dat ai:

● Moi Jinghpaw Wunpawng Ji wa ni Ji Nat Jaw Jau ai ten hta, Ji wa ni hpyi jahtau yang, garum la ai matsaw ningtsa gumgun gunhpai hpan (6) nga ma ai.


● Dai ni gaw (1) Mahtum Mahta Gam, (2) Manu Naw,(3) Mushe/Lashe La,(4) Matsaw Tu, (5) Jan wa Ningsang Tang, (6)Madai Yaw ni rai ma ai.


● Gam wa gaw Htunghking ningli jaw ya ai, Naw wa gaw machyi shamai tsi jaw ai., La wa gaw htim hpre rai na Mu achye ai, Tu wa gaw lamu marang jahtu ya ai, Tang wa gaw asak jaw ai, Yaw wa gaw Sut jaw ai.

● MUSHE gaw La re, Ji wa ni garum la mi law ngu yang htim hpre rai nna Mu achye garum ya ai wa re ngu ai garai lachyum rawng ai mying re ai hpe chye lu nga ai.

REF: KBC MNK, Shawng lawm shi sawk
Ja Tawng Naw

Leave a Reply

Your email address will not be published. Required fields are marked *