Shawng Lam Masan Sa Wa Na Muse Bawngban Hpawng

0
72

2019 ning April shata 30 ya shani, Sam mung Muse Mulkum hta NRPC hte Dingdung rawt malan myitrum hpung KIO/KIA, ULA/AA, PSLF/TNLA, MNDJP/MNDAA ni hte rau, Muse Sut hpaga rung hta jahpawt hkying 9:00 AM kawn 12:00 aten du hkra laksak bawng hpang hpawng galaw ai hta, myit hkrum shagrin ai lam mi n nga tim, shawng lam a matu kaja ai masa pru ai lam hpe chye lu ai.


Bawngban hpawng hta ntsa lam myit hkrum da ai lam ni gaw
● Gap hkat jahkring ai myit hkrum ga shaka lam ni hpe matut bawngban mat na
● May shata htum wa maga de kalang bai bawng ban na lam ni hpe myit hkrum da ai hpe chye lu ai.


NRPC a dat kasa U Zaw Htay hku nna , “…… ndai zuphpawng grai n’du shi ai 3 ya daram hta, KIO hku nna ( cease fire agreement ) gap hkat jahkring ai myit hkrum ga shaka ni hpe jaw da sai, ngam ai laga hpung masum na hpe gaw dai ni she lu ai majaw, dai lam ni hpe NRPC, hpyen dap ni hte bai jahkrum ra ai majaw hpang kalang bai hkrum na matu myit hkrum dat ai, “ ngu tsun wa sai.


Laga rawt malan hpung 3 a tang madun ai ( cease fire agreement ) ni mung, KIO kawn tang madun ai gap hkat jahkring ai myit hkrum ga shaka ( cease fire agreement ) lam ni hte, npawt lam ni malawng bung ai hpe, Rawt malan ningbaw ni hku nna tsun shaga wa sai.
Dai ni na zuphpawng hta KIO dat kasa hpung hpe Salang kaba La Nan woi awn hpe chye lu ai.

REF: Shawng lam shi sawk, RFA
Ja Tawng Naw

LEAVE A REPLY

Please enter your comment!
Please enter your name here