Schuman Shinggyim Ahkaw Ahkang Shagrau Kumhpa Hpe Jinghpaw 1 Hte Myen 2 Lu

0
18

2019 ning February shata 14 ya shani hta, (3 ) lang ngu na shagrau ai Schuman Shinggyim Ahkaw Ahkang makawp maga ai hte seng ai Shagrau lamang hpe Myen mung hte seng ai, European Sumtsan salang kaba a dum n’ta hta galaw ai hpe chye lu ai.

Europa Hpung ( EU ) hku nna Myen mung hte seng ai ( 3 ) lang ngu na Schuman Shinggyim Ahkaw Ahkang hte simsa lam hte seng ai shagrau kum hpa hpe, shinggyim ahkaw ahkang hte seng nna woi awn galaw nga ai, Sarama Nang Pu, U Robert San Awng hte, U Awng Kyaw Moe ni lu mat wa sai.

Myen hpyen dap a sari hpe jahpoi ya ai lam hte htawng dam shata 6 hkrat nga ai, Myen hte Shanglawt majan hta pat rawng nga ai mung shawa ni hpe lawt na matu woi awn galaw ai, Htoi Gender foundation a director Sarama Nang Pu, Simsa lam hte seng nna galai shai na matu jasu alun ya ai ( Activist ) U Awng Kyaw Moe hte Shinggyim ahkaw ahkang hte seng nna makawp maga tsun shaga ya ai tara kasa Robert San Awng ni shagrau kumhpa hpe lu la ma sai.

Schuman Shinggyim Ahkaw Ahkang hte seng ai shagrau kumhpa hpe, France mungdan a maigan mung Hkring mang usa hte Europa hpung ( EU ) hpe woi gaw de ai, Robert Schuman a mying hpe la nna, simsa lam hte seng ai, Democracy hte seng ai, Shinggyim ahkaw ahkang hpe makawp maga ai ni a ap-nawng ai lam hpe masat masa di ya ai hku nna, EU gaw de sa wa ai (60) ning hpring ai 2017 kawn shagrau jaw hpang wa sai.

Myen mung hte seng nna, (3) lang na shagrau wa ai hta, dai ning shagrau kumhpa lu ai marai (3) hte rai jang yawng marai 9 rai mat wa sai hpe chye lu ai.

REF: VOA
Ja Tawng Naw

LEAVE A REPLY

Please enter your comment!
Please enter your name here