Sarama Nang Pu “Women Of Change” Award Shagrau Kumhpa Hkam La Lu

0
60

American sumtsan salang rung kawn shaning shagu shagrau ai, “ Women Of Change “, Galai Shai Lu Ai Myu Shayi ngingtawn kumhpa hpe 2019 ning March shata 18 ya shani hta American Sumtsan salang rung hta shagrau jaw ai hta, myu shayi 2 hkam la lu ai hpe chye lu ai.

Kumhpa lu ai myu shayi lahkawng gaw, Sarama Nang Pu, Htoi Gender Foundation a ningbaw, Myen hpyen dap hpe sari jahpoi ya ai amu hte htawng dam shata 6 hkrum hkra nga ai hte, laga langai gaw, Ma Soe San Hteik rai nna, shi gaw, Myu shayi shi laika hpung hpe ginrun woi ningbaw ai wa langai re ai.

Shagrau kum hpa lu ai, Sarama Nang Pu gaw, lai wa sai 2018 ning na Jinghpaw mung majan hta, Myen hpye dap ni a majaw pat shingdang hkrum ai buga mare masha hkying lam hpe hkye shaw la ai amu hpe, ramma ningbaw ni, ramma ni hte a rau sha, si mani ai hku nna, shawa ninghkap n’gun madun ai hta woi awn ai lam hte, Simsa lam masa hta, amyu shayi ni grau lawm wa lu na matu shakut nga ai majaw shagrau hkrum ai hpe USA sumtsan salang rung kaw nna tsun ndau wa sai.

Ma Soe San Hteik gaw, shiga sawk sagawn ai lam hte, matsing ningting sumla hkrung gayet ai lam hta, chyahten labye, nkung nbyen ai ni a ntsa hta garan ginhka ai lam galaw ai sumla hkrung hpe gayet ai lam hte, nkung nbyen ai ni a matu gumhpraw dum hta manu ai hku lu shaw na matu woi awn lajang ya ai majaw shagrau hkrum ai hpe tsun shana wa sai.

Ndai kumhpa hpe, 2017 ning kaw nna, Myen mung kata hta shingyim ahkaw ahkang grau kaba jat wa na matu yaw shada let woi awn ai myu shayi ni hpe masat mas shagrau ya ai hpe chye lu ai.

Kum hpa hkap la ai hta, Sarama Nang Pu a malai, Kawa hte kahpu hku nna hkap la sai hpe tang madun dat ai.

REF: BBC, USA Embassy
Ja Tawng Naw

LEAVE A REPLY

Please enter your comment!
Please enter your name here