Russia Mungdan Siberia Ginra Hta Shiga Laika Sara Ni Hte San Htai Lamang Galaw Ai Min Awng Hlaing

0
54

Russia Mungdan Siberia Ginra Hta Shiga Laika Sara Ni Hte San Htai Lamang Galaw Ai Min Awng Hlaing

Russia mungdan Siberia ginra hta du nga ai Myen hpyen dap ningbaw Min Awng Hlaing hpe Russia shiga dap ni hku nna 2019 ning April shata 24 ya shani hta san htai galaw da ai kaw nna, nkau mi hpe tang madun dat ai.

Russia Galaw shapraw ai laknak ni a ntsa ningmu
Russia mungdan nna galaw shapraw ai hpyen laknak ni gaw mungkan ntsa hta grai madang tsaw ai. Ladat hpaji ni grai tsaw ai majaw, Myen mung a matu grai jai lang mai ai laknak ni re wa sai, htawm hpang de mung Myen mung a ra ai shara ni hta, Russia galaw shapraw ai laknak ni hpe jai lang mat wa na.

Su-30SM Jet Nbungli Mari Na Hte Seng Nna

Myen mung media hta hpyen dap hpe kam hpa tsawra ai lam ni
Hpyen dap gaw mung shawa kaw nna pru wa ai hpung langai re, lak sak nga ai wuhpung langai nre, 1948 shanglawt lu na matu, mung shawa hte rau gasat wa sai, mung shawa a madi shadaw ai lam n nga jang shanglawt lu na grai yak na re. Shanglawt lu ngut ai hpang, masa amyu myu a majaw, rawt malan hpung ni pru wa ai, grai yak ai lapran kawn mung shawa hpe makawp maga wa sai.

Dai majaw mung shawa ni a myit masin hta, Hpyen dap gaw shanhte hpe makawp maga ya nga ai ngu ai lam ni rawng nga ai, shing re ai majaw mung shawa ni anhte hpe kam hpa ai lam ni nga wa ai. Mung shawa hte rau sha rai nga jang, anhte a lapran hta mala hka ai lam ni n nga na re, Hpyen dap hta hpyen ripkawp tara mi nga tim, mung shawa hpe dang sha na matu n re, Mung dan a tara ni hpe mung hpyen dap gaw hkan nang ra ai. Hpyen dap gaw tara lahkawng hpe hkan nang na lit nga ai.

Ripkawp tara hpe tawt lai ai ni hpe, tup hkrak ahkayk la ai lam ni nga ai, dai lam ni a majaw anhte hpyen dap hpe mung shawa ni tsawra kam hpa ai lam ni nga ai.

Hka Shang Sanghpaw Galaw ai Shara hta

Rahkaing Mung a Dawsa hpung ni hpe shamyit ai lam
Hpyen dap gaw mung shawa hpe makawp maga na lit nga ai. Dawsa hpung ni gaw mung shawa hte uphkang ai a asuya ni hpe gasat ai ni re, dai majaw anthe gaw rau nga amyu sha ni hte jawm gasat ai lam ni nga ai.

Rahking gaw jarit mayan re ai majaw, daw sa laknak lang hpung ni n lu shamu na matu, htingbu mungdan ni hte jawm galaw ai lam ni mung nga ai. Hpyen ladat langai hte sha gaw n mai ai, pawng hpawm galaw ai lam ra ai, madung gaw ginra hta nga ai rau nga masha ni hte jawm galaw na ahkyak ai.

Pawng hpawm n’gun hte, laknak lang hpung ni a npawt rudi n’gun ni hpe jahten lu na ra ai, shanhte machyu pala ni gara kaw nna lu la ai, ja gumhpraw ni gara kaw nna tam la ai, masha n’gun gara kaw nna gahkyin la ai, dai ni hpe atsawm myit nna she galaw ra ai.

Shanhte hpe madi shadaw nga ai wuhpung ni, mungdan ni nga taw jang dawsa hpung ni hpe shamyit kau lu na grai yak ai, mahtai langai hku nna gaw, rau jawm ta gindun nna galaw ai gaw grai ahkyak ai, dawsa ai hpung ni gaw galoi mung mai kaja ai lam hpe n jaw ai.


Mungkan hpe yu jang mung, dawsa hpung ni a majaw sha htenza ai lam law law hpe mu lu ai, dai majaw rau jawm ta gindun nna galaw ai mahtang ahkyak nga ai.

( media ni hku nna, dingsang mi tsun jaw tim………. )

REF: Myen hpyen makawp maga rung, shawng lang shi sawk
Ja Tawng Naw

LEAVE A REPLY

Please enter your comment!
Please enter your name here