Russia Galaw Shapraw Ai Su-30SM Hpyen Gasat Jet Pyenli Mari Na Lam Min Awng Hlaing Shagrin

0
48

Russia Mungdan de hku hkua masa hkrun lam hte du nga ai, Myen hpyendap ningbaw Min Awng Hlaing hku nna 2019 ning April shata 23 ya hta Su-30SM hpan hpyen gasat jet pyenli hpe mari na lam shangang shakang tsun shaga ai hpe chye lu ai.

Su-30SM gaw Sukhoi company kawn galaw shapraw ai hpan rai nna, jat gawng lahkawng ( engine ) shakap da ai hte, lamu ganghkau hta gap lu ai hta sha n’ga, lamu ntsa kawn ga de mai gap ai hpan rai nga ai.

2018 ning hta Russia hte Myen hpyen dap myithkrum ga sadi galaw da ai hte maren Su-30SM jet pyenli 6 hpe mari na lajang da ai, Myen mung hpe dut ya na jet nbung li ni hpe Russia kawn galaw shachyaw nga sai.

2012 ning hta Miwa mungdan hpe dut ya ai manu gaw, Su-30SM langai hpe hpe US$ Wan 37 daram jaw ra nna Myen hpyen dap kawn US$ wan 222 jan manu hte mari na matu hkyen lajang da sai.

Min Awng Hlaing hku nna, 2019 ning April 20 ya shani hta mung (8) lang na mungkan shim lam hte seng ai bawngban hpawng hta shang lawm ai hpe chye lu ai.

REF: Shawng Lam Shi Sawk, RFA
Ja Tawng Naw

LEAVE A REPLY

Please enter your comment!
Please enter your name here