Rohingya Tsinyam Ni Canada De Htawtsit Na Hpe Bangladesh Asuya Myit N’hkrum Shi

0
66

Roi rip hkrum ai Rohingya num ni hte Rohingya tisnyam nkau  hpe Canada mungdan de nga shara bai jahkrat ya na matu saw shaga ai hpe, Bangedelish Asuaya hku nna myit nhkrum ai hpe chye lu ai.

Lai wa sai  Mya shata hta Canada maigan mung hkringmang  Chrystia Freeland hku nna Bangladesh mungdan de du sa nna, Rohingya tsinyam nkau mi hpe Canada mungdan de nga shara bai jahkrat ya na matu saw shaga da ai, matut nna dai lam hte seng nna mung  dai ni du hkra  chyinghka hpaw da ai hpe  Aljazeera shiga hta tsun da nga ai.

UNHCR,  mungkan munghpawm tsinyam hpung hku nna lapran tai ya let, Canada Asuya hte Bangladesh Asuya  yan gaw Rohingya tsinyam hpe hkap la na hte seng nna bawng ban nga ma ai.

Bangladesh mungdan a hkringmang daju Sheikh Hasina hku nna mung, ndai lam hte seng nna kata lam sawk sagawn nga ai ngu tsun ai.

November shata hta, Rohingya ni Myen mungdan de bai wa na hte seng nna, Mungkan shinggyim ahkaw ahkang kongsi hku nna, Myen mungdan kata hta, Rohingya ni shim lam hte seng nna ningra ai lam ni grai naw ra ai hta n’ga, zingri zingrat lam ni matut hkrum sha mai ai majaw,  Rohingya ni  bai wa na lam hte seng nna,  jahkring da na matu Bangladesh Asuya  hpe lai wa sai bat hpang lahkawng ya hta  tsun da sai.

REF: Aljazeera News

Ja Tawng Naw

LEAVE A REPLY

Please enter your comment!
Please enter your name here