Rohingya Masha Htaw Shalai Sha Ai Ni Hpe Rim Ai Shaloi Manghkang Byin
2018 Nov 16 ya shani hta, Rahkaing mungdaw Sittwe mare, Thet-ke-pyin, Nazi tsinyam dabang kaw nna marai 106 gaw, Malaysia de hprawng na matu hkali kaba de panglai hpe rap nga ai ten hta, hkali sau ma mat ai majaw, Yangon, Kyawk-tang ninghtawn Tan-te mare hte ni ai hkinggau hta lu rim da ai.
Pru wa ai shara de bai n’htang sa
Rohingya Tsinyam 106 hpe Nov 18 ya shani hta, Myen hkadap hku nna, shanhte pru wa ai, shara de bai sa dat sai lam hpe mung chye lu ai.
Agent ni hpe rim
Rohingya tsinyam marai 106 hpe jep yu ai hta, Masha htaw shalai ai masha ni hpe lu sagawn ai majaw, Nov 18 hta, Rahkaing mungdaw Pauk-taw mare, Sinna tsinyam dabang kaw nna marai 2 hpe balik ni shang rim ai shaloi, tsinyam dabang kaw nna Rohingya shawa latsa jan gaw, ninghkap marawn, n’lung hte kabai ai lam ni galaw ai majaw, balik ni sinat 200 jan gap nna masha wuhpawng hpe jahka ai hta, marai mali hkala ai lam byin ai.
Agent ni hku nna, masha kaba langai mi hpe sen 5, h ma langai mi hpe sen 2 manu la nna, Malaysia de htaw salai ai, Malaysia mungdan hta Rohingya myu sha ni marai Sen mi jan du nga sai lam hpe chye lu ai.
REF: BBC, RFA news
Ja Tawng Naw
