RCSS Sam Rawt Malan Hpung Ni NCA Hte Seng Nna Ndau

0
34

RCSS  Sam rawt malan hpung ni hku nna, 2018 Nov 12 ya n’htoi hta, ra hkyak zuphpang galaw nna, Myen hpyen dap hte bai bawng ban ra ai lam hte seng nna  n’dau shana ai hpe chye lu ai.

Myen Hpyen Dap Hte lak San Bawng Ban Na                                                                                                              ————————————————— 

Gap hkat jahkring ai yu reng committee ( JMC )  zuphpawng ni hta,  gap hkap jahkring ai lam hte seng nna, RCSS hte Myen hpyen dap yan gaw, lachyum shaleng ai lam hta shai ai lam ni byin wa nna, dai lam hpe hparan ai lam grai n’nga shi ai sha,  Myen hpyen dap gaw shanhte chye na ai hku htai lai nna, RCSS hpe mara shagun da ai lam ni galaw nga ai  majaw, gap hkat jahkring ai hte seng nna, lahkawng maga shada chyena ai lam hpe  bawng ban jahkrum ra sai ngu ai lam ni lawm ai.

Dai bawng ban ai hpawng kaw nna lu wa ai mahtai ni hpe yu maram ngut jang she, JMC bawngban hpawng ni hpe lu lung na, n’lung na ngu ai lam hpe daw dan sa wa na ngu chye lu ai.

JMC Hte Seng NNa                                                                                                                                                          ———————-

RCSS ni hku nna JMC a ntsa mu mada ai lam ni gaw:

* JMC a gaw da ai tara hte bungli masa ni hpe bai gram ra ai
 * JMC hta maigan mungdan ni lawm lu ai lam hpe grau jat ra ai
* Munghpawm kawn n’garan pru na lam gaw, NCA hta n’lawm ai majaw RCSS hku nna NCA masa lam hku sha             ngang ngang tsap na
* Hpyen dap langai sha tai na hte seng nna, NCA hku n’re ai sha laga bawngban hpawng ni kaw nna mahtai tam mat wa na ….. ngu ai lam ni lawm ai.

Ndai lam ni hpe yu jang, RCSS hte KNU ni hku nna NCA hta ta masat mi htu da tim, Mung masa bawngban wa ai lam hta Myen hpyen dap a shagyip galaw wa ai lam ni majaw NCA masa lam hte sim sa lam lu na matu yak ai de gale wa nga ai.

 

REF: RFA, The Ladies News

M Brang Aung

LEAVE A REPLY

Please enter your comment!
Please enter your name here