RCSS Hpyen La Ni Gap Ai Majaw Pa-Oh Mare Masha Marai 5 Si Hkala Hkrum

0
54

2018 ning December shata praw 11 ya shani hta, Sam Mung Gaw Sharawt kongsi hpung ( RSCC ) ni sinat hte gap ai majaw, Dingda Samung, Loi Lin ninghtawn, Nam Hu mare masha marai 5 si mat nna, marai 3 hkala hkrum ai majaw, sawk sagaw hpung hpaw let,  Asuya hku nna ahkayk la ya na matu Pa-Oh wuhpung wuhpawng 23 myit hkurm nna ndau laika shaprawt dat ai lam chye lu ai.

Mare masha langai tsun ai gaw, “ hpa rai nna, anhte a mare salang hte mare masha ni hpe rim mat wa ai hpe gaw nchye ai, dai majaw mare masha ni RCSS ni a hpang de hkan nna, anhte a salang hte mare masha ni hpe bai dat ya na matu hpyi shawn ai hta, ga loi shai hkat nna, rim da ai ni hpe sumri ran ya nga ai ten hta, sinat gap ai nsen na ai, dai shaloi ngai na lagaw hta wa hkra mat ai, nkau gaw hkala hkrum nna marawn jahtau nga ai, nkau gaw si mat sai, dai shaloi dai gap ai hpyen la wa gaw sak se ni ngam na tsang di nna, kalang bai sa wa nna gap sat ai,” ngu tsun ai.

RCSS ni hku nna bai tsun jahpra ai hta, mare masha ni mahtang n’htu hte gahtam hpang ai majaw, ndai zawn byin ai ngu tsun ai.  Dai hte seng nna, Pa-Oh mare masha ni hku nna, RCSS ni tusn ai lam nteng ai ngu  bai tsun ai, dai sha n’ga  mare salang ni yawng si hkrum mat wa sai majaw, mare a shimlam tsang hpa rai nga ai majaw, Asuya hku nna mare masha ni a shim lam hpe lit la ya na matu ra shawng nga ai.

Ndai mabyin ai majaw, Sam hte Pa-Oh myu sha ni hta manghkang kaba byin wa na hpe mare masha ni hkrit tsang nga ma ai.

RCSS ni gaw NCA ta masat htu ngut ai hpang, Dingdung Sam mung de shara maden la wa ai majaw, TNLA hte SSA ni hte majan jahkring jahkring byin ai lam nga ai.

REF: RFA
Ja Tawng Naw

LEAVE A REPLY

Please enter your comment!
Please enter your name here