Rawt Malan Hpung Ni N’nga Jang She Mung Masa Lam kaw N’na Pru Na Ngu Myen Hpyen Dap Tsun

0
42

2019 ning February shata 23 ya shani hta Yangon ginwang kaba hpyen daju rung a Yatana Golf club hta Myen hpyen dap shiga shana shabra hpung hku nna shiga dap ni hpe saw shaga nna, byin nga ai masa lam ni hpe sanglang ai lam galaw ai hpe chye lu ai. Dai kaw nna ahkyak ai lam nkau mi hpe bai tang madun dat ai.

Myen hpyen dap mung masa kaw nna pru na ten?
Laknak lang ai wuhpung ni n’nga nna, Mungdan simsa jang she Myen mung a mung masa kaw nna, Myen hpeyn dap pru mat na ngu Du daju Soe Naing Oo kawn tsun wa sai.

Gawda ai tara gram ai hta ninghkap ra ai lam
Gawda ai tara gram na hte seng nna, rapdaw hta htung tara hte n galaw ai majaw, ninghkap ra nga ai ngu tsun wa sai. Myen hpyen dap hku nna gawda ai tara a npawt masa lam 48 hpe makawp maga na lit nga ai, laga ngam ai tara ni hpe gram na nga jang, tara masa lam hte maren hkrak galaw jang madi shadaw mat na ngu tsun wa sai.

AA hpe madung gasat ra ai masa
AA hte seng nna tsun shaga wa ai hta, AA laknak lang hpung gaw KIA ni a bau maka da ai hpung langai rai nna, kasu kabrawng hpung hku shamu shamawt wa ai majaw kasat shamyit mat wa na. Kasat shamyit ai ten na wa ai gaw, AA ni mahtang mung shawa hte gayau gaya shamu shamawt ai majaw gasat yak nga ai ngu tsun wa sai.
AA hpe n’lu hkam sharang ai lam (3) nga ai
1) Uphkang masa lam hpe ginjang ai lam galaw ai
2) Mung shawa hpe lit li hkra galaw ai,
3) Matut mahkai ai mawdaw lam ni hpe dingbai dingna lajang jahten ai majaw AA hpe shamyit kau ra ai ngu tsun wa sai.

Bai AA galaw ai ladat gaw ARSA hte bung nna, ARSA hte AA matut mahkai nga ai sakse ni hpe kade n’na jang tang madun wa na.

Rawt malan hpung ni simsa lam hta lawan bawngban lawm na
Myen hpyen dap hku nna April shata du hkra gap hkat jahkring da ya ai majaw, rawt malan hpung ni hku nna simsa lam hta lawan bawng ban na matu tsun wa ai, dai sha n’ga amyu bawsang rawt malan hpung ni hku nna, n mai byin ai lam ni hpe majoi n mai hpyi ai ngu tsun sanglang wa sai hpe chye lu ai.

Ndai masa lam ni hpe yu maram jang, Myen hpyen dap gaw shan hte lajang da ai lamang hku sha ja ja jum tek mat na masa hpe adang aleng mu mada lu wa nga sai.

REF: Eleven, RFA, Shawng lam shi sawk
Ja Tawng Naw

LEAVE A REPLY

Please enter your comment!
Please enter your name here