Rap Daw Hta Hpyen Dap Dat Kasa Jat Ra Ai Lam Myen Bunggyi Ma-Ba-Ta Ni Tsun

0
14

2019 Ning June shata 14 hte 17 ya laman hta, Moi Ma-Ba-Ta ngu ai, amyu htung kying hte nawku htung makawp maga hpung, ya gaw Buddha Dama garum hpung a ladu hkrum zuphpawng hpe, Yangon muklum kaba Insein bunggyi jawng hta galaw wa sai hpe chye lu ai.

Dai ladu hkrum zuphpawng hta, Mungdang ting kaw n’na Bunggyi marai 1000 jang du lung ai hpe chye lu ai. Zuphpawng hta tsun bawng ban ai lam n’kau mi gaw:

  1. Bunggyi hte Hpyen dap ni hku n’na party mung masa hpe n shang lawm ai sha, amyu sha mung masa lam hte ginra nga pra mung masa lam hta Myen mung dang galu kaba na lam hte, nawku htung ngang grin na hte seng n’na matut shang lawm mat na.
  2. Rapdaw hta Hpyen dap dat kasa 25% shang lawm ai lam grai n law ai hte bunggyi ni mae bang na ahkang n lu ai lam gaw, Mung dang masha a ahkaw ahkang hkrat sum nga ai lam rai nga ai majaw n mai hkap la ai.
  3. Makam masham hte amyu sha lam hpe jahten ai ni hpe ninghkap kau ra ai lam hta, ya na Myen Asuya hpe mung madi shadaw ai lam n galaw na matu tsun bawngban wa sai hpe chye lu ai.

Mabyin masa hpe yu jang, Mung masa lam hta, Myen bunggyi ni hku n’na, hpyen dap hte kapyawn let du wa na ra lata poi hta, mung masa grau shanuk wa hkra, galaw na masa nga ai hpe mu lu nga ai.

REF: RFA. Ja Tawng Naw

LEAVE A REPLY

Please enter your comment!
Please enter your name here