Rahking Kyawk Taw Mare Gap Hkat Ai Lam Hta 10 Ning Jawng Ma Langai Si Hkala Hkrum

0
46

2019 ning May shata 19 ya shani hta, Rahkaing Mungdaw Kyawk Taw ning htawn, Myauk Tawng mare hte Mar Lar Tawng mare lapran kaw gap hkat ai lam byin ai hta, asak 10 ning daram re ai jawng ma langai si n’na, mare masha ( 4 ) hkala hkurm ai hpe chye lu ai.

Myen hpyen dap hku n’na gaw, AA ni mare kata kawn shawng gap ai majaw gasat gala byin ai ngu tsun wa sai. AA a tsun shaga ahkang lu ai Hkai Thu Hka hku n’na gaw, dai mare ni hta AA hku nna gasat gala ai lam n nga ai ngu bai tsun jahpra wa sai.

Myauk Tawng mare hte Mar Lar Tawng mare lapran hta nga ai bunggyi jawng na bunggyi langai hpe, si hkala hkrum ai num kasha hte, shi a kanau yen gaw nam si ntsin sa jaw nna wa ai lam hta, Myen hpyen la ni hku nna, “ hpyen, hpyen “ ngu shaga n’na gap hpang ai hpe hprawng lawt wa ai la kasha hku n’na tsun jahpra dan wa sai.

Rahkaing majan hta, lai wa sai shaning December shata kawn aja awa byin wa ai majan hta mung shawa marai ( 40 ) jan si n’na marai (70) jan hkala hkrum wa sai hpe chye lu ai.

REF: VOA, RFA
Ja Tawng Naw

LEAVE A REPLY

Please enter your comment!
Please enter your name here