Rahkine Mungdaw Shiga ( July 7 )

0
55

2019 ning July shata 7 shani hta lu la ai shiga ni hta na, Rahkine mungdaw hta byin ai mabyin masa lahkawng hpe bai tang madun dat ai.

  1. Myen – Bangladesh Jarik shadaw 40 hta Myen hpyen hpung ni gasat hkrum

2019 ning July shata praw 6 ya jahpawt  daw, hkying 6:00 am daram ten hta, Myen – Bangladesh jarik mayan sin dap hpe Bangladesh maga de na  lak nak lang ai hpung ni gasat ai majaw,  Myen hpyen la 2 si hkala hkrum n’na, balik n’kau mi hkala hkrum ai hpe chye lu ai.

Dai gasat hkrum ai shara gaw, Mawng Daw ninghtawn a dingdung daw, Tawng-pyo-let-we jarik shadaw 40 hte ni ai hta nga ai jarik mayan sin dap ni shinlam galaw nga ai shara ni rai n’na, ARSA hpung ni shamu shamawt nga ai shara rai ai hpe chye lu ai.

  • Maye-pung hta Rahkine mare masha 2 sat hkrum

Rahkine mungdaw Myae-pung ninghtawn Pauk-tu-tawng mare hta, 2019 ning July shata praw 6 ya shana daw hkying 8 daram ten hta, mare masha 2 sat hkrum ai lam hpe Rahkine amyu sha party ( ANP ) a mung shawa rapdaw amat  U  Phay Than kawn tsun shaga ai hpe chye lu ai.

Malu masha seng hpaw da ai U Maung Ba Kyan ( asak 60 ning )  hte shi a kahkri rai nga ai, Myen hpyen dap kawn pru hkring da ai, asak 26 ning re ai Ko San Win Tun yen hpe mying n chye ai, lak nak lang ai masha 3 gaw n’ta kata shang na gap sat kau  wa sai.

Ndai mabyin hpe kadai ni galaw ai hpe gaw sang lang ai hku tsun ai lam n nga shi ai.

REF: RFA, VOA, shawng lam shi sawk

Ja Tawng Naw

LEAVE A REPLY

Please enter your comment!
Please enter your name here