Rahkaing Rawt Malan Hpyen Hpung AA Hte Myen Hpyen Dap Gasat  Gala Byin

0
36

Hkang mungdaw Paletwa jarik ( India – Bandelish ) mayan,  Rahkaing rawt  malan hpung  AA hte Myen hpyen hpung (373)  ni jarik shadaw 68 hte 69 lapran hta, 2018 ning Nov shata praw 15 ya shani, laja lana gasat gala byin ai shiga na lu ai.

AA  Du kaba lagnai mi  tsun  ai hta, Myen dap (373) kawn marai 20 daram si nna, marai 30 daram hkala ma ai, nkau mi hprawng yen mat ai, AA ni hku nna Myen hpyen la ni a sinat ni hpe lu zing la sai.

Majan gaw, Bangladesh jarik, Nat-Wa-Chyaung mare sinna daw hta,  hkying 1:00 pm, 2:00 pm daram  hte shana 9:00 pm jan hta masum lang gasat hkat ai hpe chye lu ai.

AA hpyen hpung maga de mung, marai langai si let, nkau mi hkala hkrum ai. Ndai zawn majan byin ai gaw, Myen hpyen dap nu 10 daram gaw, AA ni nga ai shara hta majan kaba, baw wa ai majaw byin ai re lam hpe lit nga ai AA du ni hku nna tsun ai.

REF:  Shawng lam shi ga

Ja Tawng Naw

 

 

LEAVE A REPLY

Please enter your comment!
Please enter your name here