Rahkaing Mungdaw Pung-Na-Chyun Ninghtawn Yoe-Ta-Yuk Balik Dap Kasat Hkrum, Balik 9 Si Hkala

Rahkaing mungdaw Pung-Na-Chyun ninghtawn, Yangon-Sittway maw daw lam makau kaw nga ai Yoe-Ta-Yuk mare a balik dap hpe, 2019 ning March shata praw 9 ya shana hkying 11:30 daram hta laknak lang ai wuhpung langai shang gasat ai majaw, Balik Du lawm ai yawng marai 9 si nna, marai 1 hkala hkrum ai shiga na lu ai.

Mana hkying 11:30 daram ten hta, balik dap hpe laknak lang ai wuhpung langai hku nna, laknak kaba, kaji ni hte matut manoi gap nna, balik ni hpe laknak jahkrat shangun ai shaloi, balik ni laknak n jahkrat ai sha bai gap ai hpe, balik dap kaw nna tsun shaga ai hpe chye lu ai.

Ndai mabyin hte seng nna, Balik dap kaw nna tsun shana da ai hta, majan gasat ai hkying hkum mi daram na ai, yup tung 12:00 daram hta hpyen ni bai htingnut mat wa sai, sinat kadun langai hte, sinat galu 11 mat taw ai hpe tsun da ai.

Balik Du kaba Kyi Lin hku nnagaw, “ sak se grai n lu shi ai majaw, gara wuhpung kaw nna gap ai hpe grai n lu tsun shi ai,” ngu tsun ai hpe chye lu ai.


( Matsing – Laga Balik dap na sum la re)

REF: BBC, Shawng lam shi sawk
Ja Tawng Naw

Leave a Reply

Your email address will not be published. Required fields are marked *