Rahkaing Mung Hta AA N’nga N’mai Ai Lam Hpe AA Ni Tsun

0
20

Myen hpyen dap hku n’na, 2019 ning June shata praw 2 ya shani, Naypyidaw hta galaw ai shiga sang lang hpawng hta Du daju Soe Naing Oo hku n’na AA ni hte seng ai lam lahkawng tsun wa ai hpe AA rawt malan hpung a tsun shaga ahkang lu ai Hkai Thu Kha kawn bai tsun sanglang ai lam galaw ai hpe chye lu ai.

Du daju Soe Naing Oo gaw, “ AA ni tsun nga ai, confederation hpe anhte n hkap la lu ai, dai ngut jang Rahkaing mung daw hta AA shara rudi tawn na hpe tsep kawp n hkap la lu ai, n’dai gaw Myen hpyen dap a hkam la da ai masa lam rai sai,” ngu tsun wa sai.

Dai lam hte seng n’na Hkai Thu Kha bai tsun sang lang wa ai hta:
AA hpe Rahkaing hta shara n jaw mayu ai lam gaw, Myen hpyen dap hku n’na simsa ai lam hpe n kam galaw ai masa de ang wa ai
● Rahkaing mung shawa ra sharawng ai ningmu hte n’htang shai nga ai
● AA wuhpung gaw Rahkaing ginra hta n nga n mai re ai, wuhpung langai hku byin wa sai
● AA hpe Myen hpyen dap maga de n’na hkap la ra ai lam n galaw ra ai, Rahkaing mung shawa sha hkap la ra ai,
● AA hpe Rahkaing ginra shara shagu hta shara la da sai, ngu ai lam ni hpe tsun jahpra wa sai hpe chye lu ai.

Ya aten hta, majan a majaw Rahkaing amyu sha marai 40000 jan hpyen yen ra nga sai. June shata praw 3 ya shani hta Myen hpyen dap kawn laknak kaba hte gap ayai dat ai majaw, Sa-par-htar mare hta hkrat kapaw ai majaw, mare masha marai 6 si n’na, marai 9 hkala hkrum ai hpe chye lu ai.

REF: Shawng lam shi sawk, RFA
Ja Tawng Naw

LEAVE A REPLY

Please enter your comment!
Please enter your name here