Rahkaing Majan Gasat Gala Shiga

0
103

2019 ning June shata 22 ya shani hta lu la ai Rahkaing mungdaw hta byin ai majan gasat lam shiga ni hpe tang madun dat ai.

1)Myen hka dap hpe AA ni gasat Rahkaing mungdaw Sittwe muklum Sin-yoe-chyae hka zup hta Myen hpyen hka sanghpaw li langai hpe, AA ni hku n’na amyawk hte gap ai majaw hka sang hpaw li a hkum daw hta hkra mat wa n’na hpyen la nkau si hkala hkrum ai lam byin ai hpe chye lu ai.

Ndai mabyin masa ai majaw, hpyen la 2 si hkala hkrum ai hpe mare masha ni tsun wa sai. Myen hpyen dap ni hku n’na hka dap sang hpaw li gap hkrum ai hte ni nawn ai mare ni hta shang jep ai lam ni galaw nga ai hpe chye lu ai.

2) Majan Byin Ai Rahkaing ginra ni hta Internet line pat Majan Byin nga ai Rahkaing mungdaw hte Hkang mung ginra ni hta Phone kaw nna mai lang ai internet line ni hpe Myen sumtsan shiga matut mahkai dap kawn pat kau ya ai hpe chye lu ai.

MPT, Telenor, Ooredoo hte Mytel company ni hku n’na Internet line ni yawng hpe jahkring kau sai.

Buga mare ni simsa wa ai ten du wa ai ten hta, Internet line ni bai hpaw ya na hpe Myen sumstan shiga matut mahkai dap a dinggrin amu madu U Soe Thein kawn tsun shaga wa sai hpe chye lu ai.

3) AA ni mung shawa hte rau gayau gaya gasat nga ai lam Myen hpyen dap tsun June shata 22 ya shani Naypyi daw hta galaw ai, Myen hpye dap a shiga sanglang hpawng hta, Du daju jum Zaw Min Tun kawn, AA ni hku n’na mare buga masha ni hpe majan gasat na matu jai lang nga ai hte, makam masham hte seng ai bunggyi jawng, hpara ni hpe shingbyi shara la n’na gasat nga ai lam hpe, tsun sang lang wa sai.

REF: RFA, Shawn lam shi sawk Ja Tawng Naw

LEAVE A REPLY

Please enter your comment!
Please enter your name here