Putao Gingwang Lam Ningnan Hpaw Poi Na Awng San Suu Kyi A Mungga

0
78

Myen mung a hpaji jaw hte, Myen mung jarik mayan hte amyu bawsang bawng ring dap a hpa-awn rai nga ai Daw Awng San Suu Kyi hku nna 2019 ning January shata praw 8 ya shani hta, Jinghpaw Mung daw, Putao Ginwang, Nawng Mung ninghtawn na, Magwiza – Sanlunchet lam den 33.6 galu ai lam ningnan hpaw poi hta lit nga ai ningbaw ningla ni hte rau du sa nna, hpaw poi lamang hta mungga tusn ai lam hpe chye lu ai.


Daw Awng San Suu Kyi tsun shaga ai mung ga kaw nna, nkau mi hpe lawu na hte maren bai tang madun dat ai. [ Daw Awng San Suu Kyi gaw, Mungkan hta Mungga shaga ai hta grai ningtawn ai ngu masat da hkurm ai wa re]
● Ndai lam hpaw ai yaw shada lam langai gaw, buga masha ni rawt jat galu kaba wa lu na matu re.

● Lam ningnan a majaw, mung hpawm mung dan masha shada, grau matut mahkai wa lu na matu galaw ai lam re.

● Ndai lam galaw ai hta, mungdan shara shagu de na bungli galaw ai masha ni du sa ai hpe chye lu ai, de a lachyum gaw anhte a mungdan hpe gaw gap sa wa na matu, Mung dan kata shara shagu na masha ni yawng shang lawm jang she awng dang na ngu ai hpe madun nga ai.

● Amyu bawsang buga masha ni hpe yu jang, loi kaji kadun ai hpe mu lu ai, dai majaw malu masha hkru hkru grung grung sha ra na ngu shadu ai, ya na zawn lam hpaw dat ai majaw, grau nna hkam kaja, n’gun rawng ai malu malu masha ni htaw sa wa lu na matu lawan wa na re.

● Ramma ni rawt galu kaba wa lu na matu yawng jawm galaw ra na re.

● Lam galaw ngut jang, mare buga bawn gring ai lam ni hpe grau nna tang du hkra galaw wa lu na matu ahkaw ahkang ni nga wa sana.

● Hkrunlam kaja nna mare buga ni bawng ring wa jang, kalang lang anhte a makau grupyin shingra tara ni hpe jahten kau ai lam ni byin wa chye ai, dai majaw, bawng ring ai lam galaw sana nga jang anhte a tsit tsawm ai shingra tara makau grupyin ni hpe n’jahten na matu myit hta matsing da ra na re.

● Shada shai hkat ai lam gaw anhte a matu hkrit tsang shara nre, n’bung ai lam gaw anhte shada da hpe grau myit lawm shangun nna, n’gun shajat ya ai lam tai wa mai ai.

● Ya anhte lam hpaw ya sai, dai gaw mungdan galu kaba wa lu na matu hpaw ya ai re, dai lam hku jai lang hkawm sa jang she, akyu rawng na re, dai hku nre ai sha , galaw da ai lam hku n’hkawm , moi na hku sha hkawm sa na rai jang, lam a manu hte lachyum n’nga mat sai, dai majaw lam ningnan hpe manu dan hkra jai lang ga.

( Mau hpa: Jinghpaw mung majan, Simsa lam, IDPs ni a lam langai pa n’lawm )

REF: Myanmar State Counsellor Office
Ja Tawng Naw

LEAVE A REPLY

Please enter your comment!
Please enter your name here