Prat Ningnan Lairi Lam Masing Hte Seng Nna Awng San Suu Kyi Miwa Mung De Hkawm

2019 ning April shata praw 24 ya shani hta, Miwa mungdan Beijing muklum hta galaw na prat ningna lairi lam Forum zuphpawng hpe lung na matu Myen mung a hpaji jaw Salang Awng San Suu Kyi hku nna, Yunnan mungdaw Kumming nbungli darawn hta shawng du nna, jahpawt hkying 11 ten daram hta Beijing de matut hkawm sa ai hpe chye lu ai.

Awng San Suu kyi hte rau Asuya a Hkring Mang nkau mi mung lawm mat nna, Miwa – Myen lapran Sut hpaga hte seng ai htingwung lam masing ( China Myanmar Economic Corridor ) ni hpe bawng ban jahkrup mat wa na lam nga ai.

Awng San Suu Kyi a Beijing hkrum lam hta Prat ningnan lairi lam a masing daw chyen mi hku nna, Myen mung kata hta dingdung – dingda ninggawm mawdaw lam kaba hte seng ai masing kaba ni hpe myit hkrum mai ai lam hpe Asuya a Gaw sharawt dap kawn tsun shaga da nga sai.

Myen hte Miwa lapran Sut hpaga htingwung lam masing ni hte, Jarit mayan hta Jak magam amu Ginra masing ni hte seng nna, grau tang du lawan na matu Awng San Suu Kyi hku nna ningbaw hku shang lawm da ai ( OBOR ) komiti hpe hpaw nhtang da sai hpe mung chye lu ai.

REF: State Counselor office, BBC
Ja Tawng Na

Leave a Reply

Your email address will not be published. Required fields are marked *