PPST Team Kawn KNU Pru Na Laika Tang Shawn Da

0
21

2019 ning May shata 14 – 18 ya lapran hta NCA ta masat htu da sai rawt malan hpung 10 a chyawm tari zuphpawng hpe Thai mungdan Chiang Mai muklum hta galaw nga ai shaloi, mali ya ngu na May 17 ya n’htoi hta, KNU Kayin rawt malan hpung hku nna PPST ( EAO Peace Process Steering Team ) kawn pru na matu laika tang shawn da ai hpe chye lu ai.

NCA ta masat htu da sai lak nak lang hpung 10 a simsa lam hte seng ai masa lam ni hpe woi awn ai hpung PPST hpe PPCM hku n’na hkrang galai shai mat na hpe jawm bawngban wa ai shaloi, shada ning mu shai ai lam ni byin wa sai.

PPST mying hte sha, mung masa bawngban lam hte simsa lam hpe woi awn sa ai masa lam, grau tang du ai hpe kam ai wuhpung ni nga n’na, PPCM hku sa mat jang, shawng lam hta gawng kya ai lam ni mai byin ai hpe, ningbaw ni a lapran hta ningmu shai nga ma ai.

ALP Rahkaing shanglawt party a dat kasa Daw Saw Mya Yar Zar hku n’na gaw, PPST hte sha sa na hpe grau myit hkawn n’na PPST hkrang hpe galai na hta Ningbaw hpe galai na hpe ra sharawng ai hpe tsun wa sai.

PNLO ningtau ningbaw U Khun Myint Tun gaw, “ Mung masa lam bawngban woi awn na matu pinra ra ai hta PPST gaw kaja ai hkang langai re, PPST gaw simsa lam hpe woi awn bawng ban na matu re, anhte gaw Federal hkrang hpe shachyaw nga ai hte maren anhte lapran hta mung federal ladat hpe jai lang na mung ahkyak ai ,” ai ngu tsun wa sai.

KNU amu madu Padoh Saw Tar Doh Mu hku n’na gaw, “ anhte hku n’na gaw mying langai ngai hpe jum tek da ai hta, amu byin ai hkrang masa hpe ra sharawng ai, simsa lam gaw myit hkrum da ai ga shaka hta lawm ai, lam ni hpe kade daram hkan shatup ai she grau ahkyak ai, “ ngu tsun wa sai.

KNU hku n’na, 4 lang na EAO chaywm tara zuphpawng hta PPST kawn pru na matu laika tang shawn da sai. PPST kaw n’na PPCM de mying galai na n galai na hpe gaw May shata 18 ya sha ni na zuphpawng hta chye wa sana lam tang madun dat ai.

REF: RFA, Shawng lam shi sawk
Ja Tawng Naw

LEAVE A REPLY

Please enter your comment!
Please enter your name here