Philippines Nawku Jawng Hta Bawm 2 Kapaw Marai 20 Si Hkala Hkrum

0
180

2019 ning January shata 27 ya laban jahpawt hkying 8:45 am daram hta, Dingda Philippines daw na RC nawku jawng langai hta, bawm 2 kahpaw ai majaw marai 20 jan si hkala hkrum nna, marai 81 hkala hkrum ai hpe chye lu ai.

Philippines Asuya hku nna, ndai zawn bawm hte gasat ai ni hpe lu hkra rim nna, yawng hpe tara rung mara nna htawng dam jahkrat na lam hpe tsun wa sai. Matut nna, ndai zawn galaw ai ni gaw, grai nan mazut roi rip ai ni rai nna, dai ni hpe tsep kawp hkyam sa jaw na lam n’nga ai ngu tsun ai.

Sulu ninghtawn Jolol mare na RC nawku jawng hta hpung masha ni hpawng nga ai ten hta bawm langai shawng kapaw wa nna, hkala hkrum ai ni hpe hpyen dap hte balik ni hkyen lakawn ai lam hpe galaw nga ai shaloi, lahkawng lang bai kapaw ai lam byin wa ai.

Jolol zunlawng gaw, Islam nawku htung ni malawng nga ai shara rai nna, Philippines mungdan kaw nna madu uphkang ai arawng aya lu na matu gasat nga ai shara rai nga ai. Grau nna dinglai Islam nawku htung hte woi awn nga ai Abu sayyaf hpung ni madung shamu shamawt nga ai shara langai re.

Ya na zawn galaw ai lam gaw, mazut roi rip hpung ni a galaw ai lam langai re ai hpe Philippines gumsan magam Rodrigo Duterte kawn tsun shaga da nga ai hpe chye lu ai.


REF: VOA, Aljazeera
Ja Tawng Naw

LEAVE A REPLY

Please enter your comment!
Please enter your name here