Pangwa, Chihpwi IDPs Ni Garum Ra Nga

0
48

Pangwa hte Chipwi kaw nga ai hpyen yen IDPs ni, malu masha, n’gu,  hpun palawng, hpun n’ba ni grai yak nga ai hpe shiga na lu ai.

2018 ning, October shata kaw nna jarik gate hpe hkum pat ai hta, hkawmsa hkawmwa yak ai majaw, hpyen yen IDPs ni a matu, malu masha hte n’gun ni htaw shalai na matu grai yak nga ai lam ni byin nga ai.

Myen hte Miwa Asuya  ni galaw ai majaw, yak ai lam ni byin wa sai, dai majaw IDPs ni a matu, malu masha, lum hpun palawng ni, grai ra kadawn nga sai.

Ndai lam hpe wa garum na NGOs ni, garum ningtum hpung ni hku n’na mung IDP ni nga ai shara de hkawm sa garum lu na matu grai yak nga ai hpe chye lu ai.

Wunpawng mungdan a sinpraw jarik  maga de na IDP nga ai shara camp ni gaw Chihpwi, Pangwa, Hpyimaw, Sawlaw, Changmaw hkung, Tamu hkung, Hkan shing, Hpare IDP, Zangnawng, Shawmkyang, Laukhkawng, Htawlaw lakying ni rai ai hpe chye lu ai.

Laiwa sai 2011 kawn nna kalang bai byin hpang wa ai majan kaba a majaw, Wunpawng amyu sha ni tinang a yi sun hkauna, u wa yam nga,  dum n’ta, hpe tawn kau da nna hprawng yen  ai ten gaw 7 ning jan wa sai.   Simsa lam masa hpe yu jang Myen ni a maw lanyet a majaw, simsa lam gaw shingran katsi nga ai.

Ra kadawn nga ai Wunpawng myu sha IDPs ni hpe ladat tam let, matut nna, jawm garum sa wa ga.

REF: Shawng lam shiga

Ja Tawng Naw

LEAVE A REPLY

Please enter your comment!
Please enter your name here