Pakistan Hta, Makam Masham Hpe Roi Shagoi galaw nna Si Ari hkrum ai Hkristan Num bai lawt

0
19

Pakistan mungdan hta, Islamic nawku htung hpe roi shagoi galaw ai num langai hpe si ari jaw nna htawng kata kaw  8 ning rawng nga ai kaw nna bai dat ya sai lam hpe na chye lu ai.

Asia Bibi gaw hkristan nawku htung hpe kam sham ai wa rai nna, shi  hpe dat ya na matu tara rung kaw nna myit ya ai shaloi slamic nawku htung hpe dinglai ai masa hte kam sham  ai ni hku nna, shawa ninghkap n’gun madun let, Asia Bibi hpe mungdan na shinggan de pru sa na ahkang pat shangun ai hpe  Mungdan Asuya ni hku nna myit hkrum ra mat ai.

Asia Bibi lawt pru wa ai hte seng nna mung shiga amyu myu le wa ai, n’kau ni tsun ai hku nga jang, shi gaw mungdan kata kaw nna pru lawt mat wa sai ngu mung tsun garu ai ni nga ma ai.

Raitim, Asuya Sumtan salang rung kaw nna, Asia Bibi gaw mungdan kata kaw sha naw nga ai hpe tsun san lang wa sai.

Shi a madu wa hku nna, shan nu wa ni hta asak lam hte seng nna tsang hpa hkrum hkra nga ai majaw, laga mung dan langai ngai hta shingbyin mayu ai ngu online n’tsa hku  tsun garum hpyi wa ai hta,  Mung dan law law mung shannu wa ni hpe hkap la na  matu, matut  mahkai wa ai lam mung nga wa sai, rai tim mung shawa ni gaw mung dan shinggan de hkawm sa na ahkang hpe njaw na matu, Asuya hpe aja awa tsun wa ai majaw Asuya ni myit hkrum ra mat ai.

Kasha manga a kanu Asia Bibi gaw 2010 ning  hta, Islam nawku htung kam sham ai htingbu num lagnai hte   ga law hkat ai shaloi, lamu kasa Mohammad hpe roi shagoi tsun shaga dat ai hta, mara dan dawng ai  majaw tara rung hku nna si ari jaw da ai.

REF: CNN

Ja Tawng Naw

LEAVE A REPLY

Please enter your comment!
Please enter your name here