Online Ganghkau Ntsa Nju Ndawng Ai Lam Ni Shabra Ai Hpe Ahkyak La Na Australia Hkyen Lajang

0
45

Online ngu ai lamu ganghkau hta mazut roi rip dawsa ai lam ni hpe mara nna, lawan bai dawm ai lam n galaw jang, seng ang ai wuhpung ni, company ni hpe htawng dam hte gumhpraw $ wan hku ari jahkrat na tara upadi n’nan langai hpe Australia mungdan hku nna Mungkan mungdan ni hta shawng galaw hpang ai mungdan byin na matu lajang nga ai hpe chye lu ai.

2019 ning March 15 ya shani hta, New Zealand Mungdan Christchurch muklum, Islam nawku jawng hta, dawsa myit masha 50 jan hpe gap sat ai hpe, facebook kaw ading tawk madun ai hpe, bai lajang ai hku n’na ka lajang da ai tara upadi nhprang hpe ndai bat laman hta Australia rapdaw kaw tang madun na hkyen nga sai.

Muslim nawku jawng 2 hta byin ai sat nat ai lam hpe sinat lang ai wa hku nna, minutes 17 daram na hkra Facebook hta ading tawk gap sat ai lam hpe mara wa sai, dai mabyin gaw ganghkau ntsa hta hkying hkum mi daram na hkra nga taw ai.

Hkrit kajawng hpa mabyin hpe Facebook hku nna dawm kau na matu galaw ai lam lanyan ai hpe Australia Munghpawm ginjaw tara kasa Christian Porter kawn tsun wa sai.

New Zealand satnat ai lam hta, tawt lai ai wa gaw, hkik hkam ai shan hpraw amyu sha masa hpe hkam la da ai, asak 28 ning re ai, Australia mungdan masha langai re ai hpe chye lu ai.

Christchurch mabyin hpe ganghkau hta mara da ai shaloi, kalang bai share garan mara ai wan mi chyen daram hpe dawm kau sai lam hpe, Facebook lit hkam ni hku nna tsun wa sai. Grau nna Facebook hta Live ading tawk mara ai lam hte seng nna, grau kaja hkra galaw mat na hte, Facebook fake masu da ai account ni hpe, pat kau na matu 2019 ning April praw 1 ya shani hta Facebook lit nga ai ni hku nna tsun ndau wa sai hpe tang madun dat ai.

REF: Aljazeera, VOA
Ja Tawng Naw

LEAVE A REPLY

Please enter your comment!
Please enter your name here